Թուրքիայի Իդիլ քրդաբնակ շրջանում ևս պարետային ժամ է հայտարարվել

Տարածաշրջան13:06, 16 Փետրվար 2016

Թուրքիայի Իդիլ քրդաբնակ շրջանում ևս պարետային ժամ է հայտարարվել

Թուրքիայի Շըրնաք նահանգի Իդիլ շրջանում և շրջանի հարևանությամբ գտնվող Դիրսեքլի գյուղում այսօր ժամը 23:00-ից սկսած ուժի մեջ է մտնելու նահանգապետարանի կողմից հայտարարված պարետային ժամը (փողոց դուրս գալու արգելք): Պարետային ժամը հայտարարվել է շրջանում գտնվող «Քուրդիստանի բանվորական կուսակցության» (ՔԲԿ-PKK) զինյալների դեմ` Թուրքիայի անվտանգության ուժերի կողմից իրականացվելիք գործողությունների պատճառով:

Ըստ թուրքական «Bugun» թերթի կայքի` այժմ Իդիլ քաղաքում մնացած քիչ քանակությամբ բնակիչները հեռանում են իրենց տներից: Բնակչության գրեթե 90 տոկոսն արդեն հեռացել էր քաղաքից, երբ օրեր առաջ սկսեցին լուրեր տարածվել սպասվող պարետային ժամի մասին:

Աղբյուրը նշում է, որ առավոտյան ժամերից սկսած շարունակվում է զինտեխնիկայի ու զինվորականների հոսքը Իդիլ: Հարևան Ջիզրե քաղաքից, որտեղ արդեն ավարտին են հասել ՔԲԿ-ականների դեմ իրականացվող գործողությունները, ժամանած անձնակազմերը զբաղեցնում են շրջանի ռազմավարական նշանակության օբյեկտներն ու դիրքերը:

Հիշեցնենք, որ Շըրնաքի Ջիզրե շրջանում և Դիարբեքիրի Սուր շրջանում 2 ամսից ավել է` շարունակվում է պարետային ժամը:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։