Մարիա Զախարովա. «Դավութօղլուն պետք է հասկանա, որ Օսմանյան կայսրությունը փլուզվել է»

Քաղաքական08:14, 16 Փետրվար 2016

Մարիա Զախարովա. «Դավութօղլուն պետք է հասկանա, որ Օսմանյան կայսրությունը փլուզվել է»

Թուրքիայի վարչապետ Ահմեթ Դավութօղլուն Ռուսաստանի հասցեին մեղադրանք էր հնչեցրել: Թուրքական «turkhaber24.com» լրատվակայքի տեղեկացմամբ՝ Ուկրաինա կատարած այցի ժամանակ Դավութօղլուն հայտարարել է, թե աջակցելով Հայաստանին՝ Ռուսաստանը սպառնալիք է ստեղծում Ադրբեջանի տարածքային ամբողջականության համար:

Այս մեղադրանքին ի պատասխան Ռուսաստանի արտգործնախարարության ներկայացուցիչ Մարիա Զախարովան հետևյալ մեկնաբանությունն է արել.

«Դավութօղլուն պետք է հասկանա, որ Օսմանյան կայսրությունը փլուզվել է և տարածաշրջանում այլևս բռնապետական պետություն գոյություն չունի: Այնպես որ, այդ բռնապետական մոտեցումը չի համապատասխանում այն սկզբունքներին, որոնցով ապրում է ժամանակակից աշխարհը»:

Զախարովան նաև նշել է, որ Ռուսաստանն ու Ադրբեջանը կառուցում են փոխադարձ հարգանքի վրա հիմնված բարեկամական, դաշնակցային հարաբերություններ: Եվ Թուրքիան չի կարող ապակայունացնել այդ բարեկամությունը:

«Եթե Անկարան ցանկանում է խաղալ նոր Օսմանյան կայսրության դերը, ապա չպետք է մոռանա, որ նրան կոչում էին «Եվրոպայի հիվանդ մարդը», - հավելել է Ռուսաստանի ԱԳՆ ներկայացուցիչը:

Աղբյուր` Ermenihaber.am

Այս ենթաբաժնի վերջին նորությունները

20:08, 11 սեպ

Սերդար Քըլըչն Ալիջանի սահմանային անցակետով կայցելի Հայաստան

Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։