Տարածաշրջան09:38, 15 Փետրվար 2016
Դավութօղլուն Մերկելին տեղեկացրել է, որ Թուրքիան հետքայլ չի անի
Սիրիայի հյուսիսում տեղակայված քրդական «Ժողովրդական ինքնապաշտպանական ուժերի» (ԺԻՈւ-YPG) դեմ Թուրքիայի կողմից իրականացվող հրետակոծությունները մեծացրել են լարվածությունը: Թուրքական «Haberler.com» լրատվակայքի համաձայն՝ Թուրքիայի վարչապետ Ահմեթ Դավութօղլուն թեմայի վերաբերյալ հեռախոսազրուց է ունեցել Գերմանիայի կանցլեր ԱՆգելա Մերկելի, իսկ ԱՄՆ նախագահ Օբաման՝ ռուս պաշտոնակից Պուտինի հետ:
Նշվում է, որ Մերկելի հետ զրույցի ժամանակ Դավութօղլուն հայտնել է, որ Թուրքիան այլևս հետքայլ չի անի: Կանցլերին նա տեղեկություններ է հաղորդել ռազմագործողությունների մասին և նշել, որ իրենք թուլ չեն տալու YPG-ին՝ շարունակել ագրեսիվ բնույթի գործողությունները:
«Մեր անվտանգության ուժերը PYD/YPG-ի դեմ անհրաժեշտ գործողություններ են իրականացրել և շարունակելու են իրականացնել», - նկատել է Դավութօղլուն:
Միևնույն ժամանակ Սպիտակ տունը հայտարարություն է տարածել այն մասին, որ նախագահ Օբաման հեռախոսազրույց է ունեցել Պուտինի հետ: Զրույցի ընթացքում քննարկվել են փետրվարի 11-12-ին Գերմանիայի Մյունխեն քաղաքում կայացած Սիրիային աջակցության միջազգային խմբի հանդիպման արդյունքները: Հայտարարության համաձայն՝ Օբաման նշել է, որ Ռուսաստանը կարող է դադարեցնել Սիրիայի ընդդիմադիր ուժերին ուղղված ռմբակոծությունները և կառուցողական դեր խաղալ:
Ավելի վաղ ԱՄՆ պետքարտուղար Ջոն Քերին հայտարարել էր, որ Սիրիան շրջադարձի նախաշեմին է: Ըստ Քերիի՝ առաջիկա շաբաթների ընթացքում կայացվելիք որոշումները կնպաստեն կամ սիրիական պատերազմի դադարեցմանը կամ, ընդհակառակը, ավելի սաստկացմանը:
Նշենք, որ անցյալ շաբաթ Մյունխենի անվտանգության համաժողովի ժամանակ համաձայնություն էր ձեռք բերվել Սիրիայում հրադադարի ռեժիմ հաստատելու մասին, մինչդեռ կարճ ժամանակ անց Սիրայում գտնվող YPG-ի դիրքերը Թուրքիայի ռմբակոծության թիրախը դարձան:
ԱՄՆ-ն և Ֆրանսիան պահանջել են Թուրքիայից «անմիջապես դադարեցնել» Սիրիայի ուղղությամբ ռմբակոծությունները, իսկ Դամասկոսը սպառնացել է, որ եթե ռմբակոծությունները չդադարեցվեն, իրենք կդիմեն ՄԱԿ-ի անվտանգության խորհրդին:
Այս ենթաբաժնի վերջին նորությունները
Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը:
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Երկրաշարժը տեղի է ունեցել առավոտյան ժամը 8։24-ի սահմաններում:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։
Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Մոշե Էլադը նշել է, որ հնարավոր հարձակման դեպքում չկա որևէ երաշխիք, որ ՆԱՏՕ-ն անվերապահորեն կաջակցի Թուրքիային։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |