ERMENI HABER AJANSI

Փետրվարի 14-ին երեկոյան Թուրքիայի զինված ուժերը (ԶՈՒ) «Fırtına» տեսակի թուրքական հաուբիցներով հրետակաոծել են թուրք-սիրիական սահմանամերձ Ազեզ քաղաքի  հարավարևելյան  Մարանաս շրջանի ուղղությամբ:

Ինչպես հաղորդում է  թուրքական «haberler» լրատվակայքը, թուրքական ուժերը հրետանակոծել են նշյալ սիրիական շրջանում գտնվող  Սիրիայի քրդական «Ժողովրդավարական միություն կուսակցության» (ԺՄԿ-PYD) ռազմական թև հանդիսացող «Ժողովրդի պաշտպանության ուժերիի» (ԺՊՈւ-YPG) զինանոցները:

Թուրքական աղբյուրի պնդմամբ` նման գործողությունների պատճառ է հանդիսացել, այն, որ քրդական ուժերը փետրվարի 13-ի գիշերը կրակ են բացել թուրքական սահմանի ուղղությամբ:

Նշվում է, որ երեկ 17 ժամվա ընթացքում  թուրքական «Fırtına» հաուբիցներից 100 անգամ հրետանային կրակ է բացել ԺՊՈւ –ի դիրքերի ուղղությամբ, ինչ ընթացում է խոցվել է 50 թիրախ:

Աղբյորը, վկայայկոչելով թուրքական զինվորական աղբյուրներին, հաղորդում է, որ Թուրքիայի զինված ուժերը ուժերը Հաթայ նահանգի սահմանամերձ հատվածից էլ նույն «Fırtına» հաուբիցներից հրետակոծվել են Սիրիայի նախագահ Բաշար Ասադի ենթակայության տակ գտնվող ուժերի դիրքերը:

Թուրքական ուժերի նման գործողություններին արձագանքել է Սիրիայի ԱԳՆ:

Վերջինս մասնավորապես տեղեկացրել է, որ  թուրքական կրակոցների  թիրախ են դարձել  նաև Սիրիայի Հալեպ քաղաքի և Լաթաքիա շրջանի գյուղերը, որտեղ ապրում է խաղաղ բնակչություն: Թուրքական կողմի գործողությունները սիրիական կողմը որակել է որպես բացահայտ աջակցություն ահաբեկիչներին:

Սիրիայի արտգործնախարարությունը ՄԱԿ-ին հղած նամակում տեղեկացրել է, մոտ 100 թուրք զինվորների Սիրիա ներխուժելու մասին:

Նամակում նշվում է, որ սահմանամերձ Քիլիս նահանգի Օնջուփընար սահմանային անցակետից 12 զինվորական մեքենաներով դեպի սիրիական Հալեպ են շարժվել 100 թուրք զինվորականներ: