Տարածաշրջան12:16, 15 Փետրվար 2016
Times. Ռուսաստանը և Թուրքիան բախման ճանապարհին են
Բրիտանական հայտնի «Times» պարբերականը «Դժոխքի դարպասներ» խորագրով հոդված է հրապարակել, որտեղ անդրադարձ է կատարել սիրիական ճգնաժամի համատեքստում ռուս-թուրքական հարաբերություններին: Թուրքական ընդդիմադիր «cumhuriyet» թերթը, հղում անելով հիշյալ պարբերականին, գրում է, որ հոդվածում խոսվում է նաև այն մասին, թե Թուրքիան արդեն 2 օր է, ինչ ռմբակոծում է Սիրիայի քրդական ուժերի դիրքերը:
Ըստ հոդվածի` Սիրիայում այժմ այնպիսի իրավիճակ է, երբ եկել է Արևելք-Արևմուտք հաշիվներ մաքրելու ժամանակը: Ընդգծվում է, որ թեև բոլոր կողմերի նպատակը «Իսլամական պետություն» (ԻՊ) ահաբեկչական կազմակերպության դեմ պայքարն է, այնուամենայնիվ դրա հետ մեկտեղ չպետք է թույլ տալ, որ Սիրիան մասնատվի:
Թուրքական ուժերի կողմից Սիրիայի քրդական ուժերի դեմ իրականացվող հրետակոծությունների մասին պարբերականը գրում է, որ Անկարան շատ վճռական է տրամադրված այդ հարցում Որովհետև շատ լավ հասկանում է, որ Ռուսաստանի օժանդակության տակ գտնվող Սիրիայի քրդերը ցանկանում են սեփական փոքր պետությունը ստեղծել:
Որպես Սիրիայում ռուս-թուրքական շահերի բախման ամենաթեժ կետ նշվում է Հալեպը: Այստեղ, ըստ հոդվածի, Ռուսաստանը և Թուրքիան առճակատման կարող են գնալ: Դրան կարող են նպաստել ռուսական ավիահարվածները, ինչպես նաև Ռուսաստանի և Իրանի Իսլամական Հանրապետության (ԻԻՀ) աջակցությունը Սիրիայի նախագահ Բաշար Ասադի վարչակարգին:
«Ռուսաստանը և Թուրքիան բախման ճանապարհին են: Ռուսաստանը երբեք չի ընդունի օտար զինվորների ներխուժումը Սիրիայի հյուսիս: Թուրքիայի սահմանային կռիվները պատճառ կդառնան, որպեսզի Սիրիայի քրդերը շուտով հրահրիչ հարձակումների գնան: Իր հերթին Թուրքիան էլ ՆԱՏՕ-ի օգնությանը կդիմի: Եվ այդ իրավիճակում արդեն Ռուսաստանը և ՆԱՏՕ-ն դուրս կգան դեմ առ դեմ»:
Անդրադառնալով Թուրքիայում ահաբեկչական համարվող «Քուրդիստանի բանվորական կուսակցության» (ՔԲԿ-PKK)-ը՝ անգլիական պարբերականն ընդգծում է, որ թուրքական իշխանությունները, քուրդ զինյալների դեմ ուժ կիրառելով, մեկ է, չեն կարող կարգավորել խնդիրը:
Այս ենթաբաժնի վերջին նորությունները
Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը:
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Երկրաշարժը տեղի է ունեցել առավոտյան ժամը 8։24-ի սահմաններում:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։
Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |