Տարածաշրջան07:47, 13 Փետրվար 2016
Թուրքիայի և Իրանի առևտրաշրջանառությունը նախատեսվում է 23 մլրդ դոլարից հասցնել 35 միլիարդի
Թուրքիայում իր առաքելությունն ավարտող Իրանի Իսլամական Հանրապետության դեսպան Ալիրեզա Բիքդելին Անկարայում հրավիրած մամուլի ասուիսի ժամանակ հայտարարել է, որ երկու երկրների միջև մի շարք հարցերում համաձայնություն է ձեռք բերվել:
Ըստ թուրքական «Sondakika.com» լրատվական կայքի` Իրանի դեսպանը հաղորդել է, որ օրերս պաշտոնական այցով Թուրքիայում գտնված Իրանի փոխարտգործնախարար Իբրահիմ Ռահիմփուրի և Թուրքիայի արտգործանախարարի առաջին տեղակալ Ֆերիդուն Սինիրլիօղլուի բանակցությունների ժամանակ պայմանավորվածություն է ձեռք բերվել 2016-ի առաջին կիսամյակում Թուրքիայի վարչապետ Ահմեթ Դավութօղլուի Իրան կատարելիք այցի վերաբերյալ:
Բիքդելին հայտարարել է նաև, որ այս տարի Թուրքիա կմեկնի Իրանի նախագահ Հասան Ռուհանին: Վերջինս Թուրքիայի նախագահ Ռեջեփ Թայիփ Էրդողանի հետ միասին կնախագահի տեղի ունենալիք Իրան-Թուրքիա բարձր մակարդակի ռազմավարական համագործակցության հանձնաժողովի 3-րդ նիստը:
Նախատեսվում է նաև Անկարայում անցկացնել Թուրքիա-Իրան համատեղ տնտեսական հանձնաժողովի նիստ: Թուրքիայի Արդյունաբերողների և գործարարների միության պատվիրակությունն էլ կայցելի Իրան:
Իրանի դեսպանը հայտարարել, որ նախատեսում են երկու երկրների միջև առևտրաշրջանառությունը ներկա 23 մլրդ դոլարից հասցնել մինչև 35 մլրդ դոլարի:
Թուրքական «Milliyet» թերթի կայքն էլ հայտնում է, որ կարգավորվել է նաև իրանական գազի գնի զեղչի շուրջ 2 երկրների միջև երկար ժամանակ շարունակվող տարաձայնությունը: Իրանը կկատարի միջազգային արբիտրաժային դատարանի կողմից Թուրքիայի օգտին կայացրած վճիռը: Վճռով նախատեսված փոխհատուցումը Իրանը կվճարի գազի լրացուցիչ ծավալի կամ գումարի տեսքով:
Այս ենթաբաժնի վերջին նորությունները
Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը:
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Երկրաշարժը տեղի է ունեցել առավոտյան ժամը 8։24-ի սահմաններում:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։
Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |