Հոդված08:25, 08 Փետրվար 2016
Էրդողանի էկվադորյան այցի սկանդալը թուրքական մամուլում
Թուրքական մամուլում ակտիվորեն քննարկվում է նախագահ Ռեջեփ Թայիփ Էրդողանի` Էկվադոր կատարած այցի ժամանակ տեղի ունեցած միջադեպը:
Մայրաքաղաք Կիտոյում Էրդողանի մասնակցությամբ անցկացված «Թուրքիայի արտաքին քաղաքականությունը և Լատինական Ամերիկան» խորագրով համաժողովի ընթացքում մի խումբ կին ցուցարարներ ներխուժել են դահլիճ ու վանկարկել «մարդասպան Էրդողան»` նկատի ունենալով քրդերի նկատմամբ Էրդողանի վարած քաղաքականությունը:
Ցուցարարները, որոնց ձեռքին եղել է «Քուրդիստանի բանվորական կուսակցության» (ՔԲԿ-PKK) դրոշները, Էրդողանի թիկնապահների կողմից բռնությամբ դուրս են հանվել դահլիճից, ինչն էլ Էկվադորում դժգոհությունների առիթ է հանդիսացել:
Թուրքական ընդդիմադիր մամուլում ևս դատապարտել են կանանց նկատմամբ գործադրված բռնությունը:
Էրդողանի այցի հետ կապված միջադեպը քննադատողներին ի պատասխան` ծավալուն հոդվածով է հանդես եկել թուրքական «Yeni akit» թերթի խմբագիր Ալի Քարահասանօղլուն:
Ըստ Քարահասանօղլուի` Էրդողանի քննադատները նրան թշնամություն անելու համար նույնիսկ պաշտպանեցին Պուտինին ինքնաթիռի միջադեպի ժամանակ: Խմբագրի խոսքով Էրդողանի քննադատները նրան հեղինակազրկելու համար նույնիսկ դրուզ դարձան, միայն նրա համար, որ Էրդողանը ցանկանում էր Ասադի հրաժարականը:
Հոդվածի հեղինակն Էրդողանի հակառակորդներին մեղադրել է նաև հայկական հարցը օրակարգում պահելու մեջ, ինչը թուլացնում է Թուրքիան: Նմանատիպ մի քանի դեպքեր ևս թվարկելուց հետո Քարահասանօղլուն գրում է, որ այժմ էլ Էրդողանի քննադատները էկվադորցի են դարձել:
Ընդդիմությանը թիրախավորած հոդվածագիրը նշել է, որ բոլոր նմանատիպ դեպքերից հետո Էրդողանի վարկանիշը կտրուկ աճ է գրանցել: Եզրափակելով ասելիքը` Քարահասանօղլուն պնդել է, որ այս դեպքից ու թուրքական մամուլում հնչած քննադատություններից հետո Էրդողանի քվեները ռեկորդային աճ են արձանագրելու:
Այս ենթաբաժնի վերջին նորությունները
Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:
Մինչ Թուրքիայում իրենց «կարմիր» անցյալը թողած վազում են կապույտ երազանքների հետևից, Հայաստանում օրը սև է, կորուստը` դառը:
Հոդվածում նշվում է, որ մինչ մյուս գլոբալ տերությունները վերանայում են իրենց աֆրիկյան ռազմավարությունները, Անկարան իրեն դիրքավորում է որպես միջնորդ:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այս ցուցանիշով Թուրքիան աշխարհի երկրների ցանկում զբաղեցրել է 17-րդ հորիզոնականը։
Հրապարակվել է հոդված Հայաստանի տեխնոլոգիական ոլորտի զարգացման մասին։
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Մի քանի րոպե անց մայրը նկատել է կատարվածը և դուրս է բերել նրան աղբարկղից:
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |