Աշխարհի ամենավտանգավոր ավտոճանապարհը Թուրքիայում է

Հասարակական11:38, 25 Հունվար 2016

Աշխարհի ամենավտանգավոր ավտոճանապարհը Թուրքիայում է

Ամեն տարի աշխարհի ամենավտանգավոր ճանապարհների ցուցակը հրապարակող «Dangerousroads» կայքը ներկայացրել է 2016թ.-ի դասակարգումը: Թուրքական «haber.sol» լրատվական կայքի հաղորդմամբ` 2016թ ամենավտանգավոր ավտոճանապարհ է համարվել Թուրքիայի Բայբուրթ նահանգում գտնվող D915 ճանապարհը: Այն ունի 106կմ երկարություն: Ընդ որում, նշվում է, որ ճանապարհեզրին չկան համապատասխան արգելապատնեշներ իսկ ձմռանը այն հաճախ դառնում է անանցանելի:

Ի դեպ վերջինս ավելի վտանգավոր է համարվել, քան Բոլիվիայում գտնվող, ժողովրդի կողմից «Մահվան ուղի» անվանումը ստացած ճանապարհը:

Աշխարհի ամենավտանգավոր ճանապարհների ցուցակում տեղ են գտել նաև Հնդկաստանի Քեյլոնգ շրջանի «Քիշթվար» ճանապարհը, Նոր Զելանդիայում «Սքիփերս» ճանապարհը, Ֆրանս-իտալական սահմանին գտնվող «La piste de l'Amitie»-ը, Պակիստանի «Ֆայրի Միդոուս»-ը, Սիբիրում գտնվող «Բամ» կոչվող ճանապարհը և այլն:

Աղբյուր` Ermenihaber.am

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։