Տարածաշրջան14:01, 18 Հունվար 2016
Նոբելյան մրցանակակիր թուրք գրողը քննադատել է Թուրքիայում գիտնականների ձերբակալությունները
Թուրք հայտնի գրող, նոբելյան մրցանակակիր Օրհան Փամուքը խստորեն դատապարտել է «Մենք այս մեղքին հանցակից չենք դառնա» խորագրով հայտարարության տակ ստորագրելուց հետո թուրք գիտնականների նկատմամբ սկսված քրեական հետապնդումները:
Ըստ թուրքական «Doğan» լրատվական գործակալության` Փամուքն իտալական «La Repubblica» թերթին տված հարցազրույցում մասնավորապես ասել է. «Հանուն քրդերի խաղաղության հայտարարության տակ ստորագրած գիտնականների ձերբակալությունները մեծ հարված է Թուրքիայի` առանց այդ էլ սահմանփակված ժողովրդավարությանը: Հայտարարություն հրապարակելն ու դրա տակ ստորագրելը ժողովրդավարության հիմնական դրսևորումներից մեկն էր»:
Նշանավոր վիպասանն ասել է, որ չի պատկերացնում այնպիսի ժողովրդավարություն, որն արգելի գիտնականներին իրենց տեսակետները արտահայտել:
Փամուքը կարծիք է հայտնել, որ այս իրադարձությունների պատճառն այն է, որ Թուրքիայում միայն ընտրություններն են ժողովրդավարական և չկա այն համապարփակ ժողովրդավարությունը, որը կհարգի խոսքի ազատությունը, իշխանության տարանջատումը և համալսարանականների ազատությունները:
«Այնպիսի երկրում, որտեղ կառավարությունն իր որոշումը պարտադրում է գիտնականներին, լիարժեք ժողովրդավարության մասին խոսք լինել չի կարող»,- եզրափակել է Փամուքը:
Հիշեցնենք, որ Թուրքիայի Սիլվան, Սուր, Նուսայբին, Ջիզրե, Սիլոփ շրջաններում տևական ժամանակ շարունակվող պարետային ժամերի և բախումների դեմ որպես բողոքի նշան կյանքի կոչված «Հանուն խաղաղության» նախաձեռնությունն օրերս հանդես էր եկել հայտարարությամբ: «Մենք այս մեղքին հանցակից չենք դառնա» կարգախոսը կրող հայտարարության տակ ստորագրել էր 1.128 թուրք գիտնական, ինչպես նաև՝ շուրջ 400 աջակից ողջ աշխարհից: Նրանք պահանջել էին անմիջապես դադարեցնել վերը նշված շրջաններում բնակչության հանդեպ կիրառվող բռնություններն ու սահմանափակումները: Հայտարարության պատճառով թուրք գիտնականների նկատմանբ հետաքննություն է սկսվել, ինչի շրջանակներում արդեն տասնյակ մարդիկ են ձերբակալվել:
Այս ենթաբաժնի վերջին նորությունները
Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը:
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Երկրաշարժը տեղի է ունեցել առավոտյան ժամը 8։24-ի սահմաններում:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։
Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։
Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Մոշե Էլադը նշել է, որ հնարավոր հարձակման դեպքում չկա որևէ երաշխիք, որ ՆԱՏՕ-ն անվերապահորեն կաջակցի Թուրքիային։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |