Տարածաշրջան07:08, 18 Հունվար 2016
Թուրքիայում ազգային փոքրամասնություններին ուղղված բարեփոխումների փաթեթ է մշակվում
Թուրքիայի վերաբերյալ պարբերաբար հնչող մարդու հիմնարար իրավունքների խախտման մեղադրանքներին ի պատասխան երկրի կառավարությունը հապշտապ ձեռնամուխ է եղել բարեփոխումների փաթեթի մշակմանը:
Թուրքական «Sondakika» լրատվակայքի տեղեկացմամբ՝ նշյալ բարեփոխումների թվում տեղ են գտել Թուրքիայի ազգային փոքրամասնություններին ուղղված որոշ զիջումներ:
Մասնավորապես, Վանի Աղթամար կղզում գտնվող Սուրբ Խաչ հայկական եկեղեցում պատարագներն այսուհետև կարող են մատուցվել ոչ թե տարին մեկ անգամ, այլ՝ ըստ անհրաժեշտության, ցանկացած ժամանակ: Միջանկյալ նշենք, որ Սուրբ Խաչ եկեղեցում վերջին 5 տարվա ընթացքում Թուրքիայի մշակույթի և զբոսաշրջության նախարարության հատուկ թույլտվությամբ տարեկան 1 անգամ էր պատարագ մատուցվում: Այժմ նախատեսվում է վերացնել այդ սահմանափակումը:
Փոփոխություններ կկատարվեն նաև ազգային փոքրամասնություններին պատկանող անշարժ գույքի վերադարձման գործընթացում: (Խոսքը ցեղասպանության զոհերի ժառանգներին իրենց պապերի ունեցվածքի վերադարձման մասին է-խմբ.) Միջոցներ կձեռնարկվեն գործընթացն արագացնելու և արհեստական խոչընդոտները վերացնելու ուղղությամբ:
Նույն աղբյուրի համաձայն՝ բարեփոխումների փաթեթի շրջանակներում նախատեսվում են նաև քրդերի համար ծրագրվող փոփոխություններ: Քննարկվելու է ինքնաթիռներում քրդերեն ծանուցումներ կատարելու, բնակավայրերի անունների փոփոխման կարգն արագացնելու, որոշ վայրերում քրդերեն ցուցանակների տեղադրման նպատակահարմարթյունը: Նշվում է, որ քրդերեն կրթության հետ կապված հարցեր այս փաթեթի շրջանակներում չեն քննարկվելու:
Այս ենթաբաժնի վերջին նորությունները
Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը:
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Երկրաշարժը տեղի է ունեցել առավոտյան ժամը 8։24-ի սահմաններում:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։
Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։
Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Մոշե Էլադը նշել է, որ հնարավոր հարձակման դեպքում չկա որևէ երաշխիք, որ ՆԱՏՕ-ն անվերապահորեն կաջակցի Թուրքիային։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |