Վախճանվել է Դիարբեքիրի ամենածեր հայը՝ Սարգիս Էքենը

Հասարակական11:57, 18 Հունվար 2016

Վախճանվել է Դիարբեքիրի ամենածեր հայը՝ Սարգիս Էքենը

Դիարբեքիրում մահացել է քաղաքի տարեց հայերից մեկը՝ Սարգիս Էքենը: Թուրքական «Demokrathaber» լրատվական կայքը հայտնում է, որ Էրքենը բնակվել է Դիարբեքիրի Սուր շրջանում, որտեղ դեռ շարունակվում է պարետային ժամը:

25 օր առաջ կտրուկ վատացել էր նրա առողջական վիճակը և նրան տեղափոխել էին վերակենդանացման բաժանմունք: Էքենի կյանքը փրկել չի հաջողվել, նա մահացել է գիշերը: Դիարբեքիրում ընթացող թուրք-քրդական զինված բախումների պատճառով թաղման արարողությունը տեղի կունենա ասորական Սուրբ Աստվածածին եկեղեցում, այլ ոչ թե հայկական Սուրբ Կիրակոսում:

1930 թվականին ծնված Սարգիս Էքենը 2015 թվականի ապրիլին հարցազրույց էր տվել բրիտանական BBC-ի թուրքական ծառայությանը՝ ասելով, որ իր միակ ցանկությունն աշխարհի խաղաղությունն է:

«Ես ուզում եմ, որ աշխարհում խաղաղություն լինի, բայց, ցավոք, ամեն կողմում պատերազմ է: Եղբայրս, որ Սիրիայի Հալեպ քաղաքում էր ապրում, պատերազմ սկսելուց հետո, վախենալով իր կյանքի համար, Հայաստան էր տեղափոխվել»,- պատմել էր Էքենը:

Աղբյուր` Ermenihaber.am

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։