Թուրքիայի բնակչությունը հատել է 80 միլիոնի սահմանը

Հասարակական12:17, 14 Հունվար 2016

Թուրքիայի բնակչությունը հատել է 80 միլիոնի սահմանը

Թուրքիայի ներքին գործերի նախարարության փախստականների վարչության պետ Աթիլլա Թորոսը խորհրդարանի ամբիոնից հայտարարել է, որ հունվարի 12-ի դրությամբ երկրում գրանցված 2.503.426 սիրիացի փախստական կա: Ինչպես փոխանցում է թուրքական «Hürriyet» թերթի կայքը, այլ երկրներից Թուրքիա ներգաղթած փախստականների թիվը կազմում է 137.000: Այսպիսով, փախստականների հետ միասին ներկայիս բնակչության թիվը հատում է 80 միլիոնի սահմանը:

Թուրքիայի վիճակագրական ընկերության (TÜİK) տվյալների համաձայն՝ 2014թ. դեկտեմբերի 31-ի դրությամբ երկրի բնակչությունը կազմում էր 77 միլիոն 695.904: TÜİK-ի կատարած հաշվարկների համաձայն՝ 2015թ բնակչության թիվը պիտի կազմեր 78.150.000: Մինչդեռ, ըստ փախստականների վարչության պետի ներկայացրած տվյալների, ներկա դրությամբ Թուրքիայի բնակչությունը կազմում է 80 միլիոն 336.000:

Թորոսն ընդգծել է, որ 1923-1997թթ. իրենք ընդունել են շուրջ 600.000 փախստական: 1997-2011թթ. այդ ցուցանիշը հասել է 2 միլիոնի: Իսկ վերջին 5 տարվա ընթացքում Թուրքիան ավելի շատ փախստական է ընդունել, քան հանրապետության ողջ պատմության ընթացքում:

Ըստ պաշտոնական տվյալների՝ դեռևս 2014թ. դրությամբ Թուրքիայում գրանցված է եղել 81 միլիոն 129.305 քաղաքացի, բայց նրանցից 3 միլիոն 739.669-ը գտնվելիս են եղել արտերկրում: TÜİK-ի հաշվարկների համաձայն՝ սիրիացի փախստականներն առաջիկա տարիներին Թուրքիայի քաղաքացիություն ձեռք կբերեն և երկրի բնակչության ընդհանուր թիվը կհասնի 84 միլիոնի: Ենթադրաբար դա տեղի կունենա 2023 թվականին:

Աղբյուր` Ermenihaber.am

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։