Տարածաշրջան13:30, 13 Հունվար 2016
Շըրնաքում և Դիարբեքիրում հունվարի 12-ին 16 քուրդ զինյալ է սպանվել
Թուրքիայի զինված ուժերի գլխավոր շտաբը տեղեկատվություն է տարածել այն մասին, որ՝ Շըրրնաք և Դիարբեքիր նահանգներում հունվարի 12-ին 16 քուրդ զինյալ է սպանվել: Զինված ուժերի պաշտոնակայքում (tsk.tr) տեղ գտած լուրի համաձայն՝ Շըրնաքի Ջիզրե շրջանում «Քուրդիստանի բանվորական կուսակցություն» (ՔԲԿ - PKK) խմբավորման դեմ իրականացված գործողության ժամանակ սպանվել է 9 քուրդ զինյալ, բացի այդ՝ վնասազերծվել է երկու ինքնաշեն ռումբ, առգրավվել Կալաշնիկով տեսակի մեկ հրացան, մեկ ատրճանակ, երկու որսորդական հրացան և 12 փամփուշտ:
Ընդհանուր առմամբ Ջիզրեյում մինչ օրս 277 քուրդ զինյալ է սպանվել:
Իսկ նույն նահանգի Սիլոփ շրջանում հունվարի 12-ին իրականացված հակաահաբեկչական գործողության ժամանակ վնասազերծվել է 32 ինքնաշեն ռումբ և առգրավվել որոշակի քանակությամբ զենք ու զինամթերք:
Ըստ աղբյուրի՝ նույն օրը Շանլըուրֆայում 1 քուրդ զինյալ ինքնակամ հանձնվել է թուրքական անվտանգության ուժերին: Եվս 21 հոգի ձերբակալվել է՝ «Իսլամական պետություն» (ԻՊ- DEAŞ/DAİŞ) ահաբեկչական խմբավորման անդամ լինելու կասկածանքով:
Իսկ Քիլիսում նույն կասկածանքով ձերբակալվել է Թուրքիայի քաղաքացի չհանդիսացող 8 անձ, ովքեր փորձել են անօրինական ճանապարհով Թուրքիայից Սիրիա անցնել:
Դիարբեքիր նահանգում իրականացված հակաահաբեկչական գործողության ընթացքում 7 քուրդ զինյալ է սպանվել: Այսպիսով, այս շրջանում սպանված քուրդ զինյալների ընդհանուր թիվը հասնում է 94-ի: Միաժամանակ վնասազերծվել է երկու ինքնաշեն ռումբ, քանդվել են քուրդ զինյալների կառուցած բարիկադները, առգրավվել է որոշակի քանակությամբ զենք ու զինամթերք:
Այս ենթաբաժնի վերջին նորությունները
Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը:
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Երկրաշարժը տեղի է ունեցել առավոտյան ժամը 8։24-ի սահմաններում:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։
Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։
Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Մոշե Էլադը նշել է, որ հնարավոր հարձակման դեպքում չկա որևէ երաշխիք, որ ՆԱՏՕ-ն անվերապահորեն կաջակցի Թուրքիային։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |