Թուրք հաքերները ռուսական կայքերում Էրդողանի և սուլթան Ֆաթիհի նկարներն են տեղադրել

07:43, 11 Հունվար 2016

Թուրք հաքերները ռուսական կայքերում Էրդողանի և սուլթան Ֆաթիհի նկարներն են տեղադրել

Սիրիա-Թուրքիա սահմանին թուրքական օդուժի կողմից ռուսական ռազմական ինքնաթիռի խոցումից հետո ստեղծված ռուս-թուրքական լարվածությունը դրսևորվեց նաև փոխադարձ կիբեր հարձակումների տեսքով:

Թուրքական «Haberler.com» լրատվակայքի տեղեկացմամբ՝ վերջին շրջանում «Skorsky» և «Türk Hack Team» ծածկանվամբ հայտնի թուրք հաքերները «Էրթուղրուլ» և «Ֆաթիհ» կոչվող գործողությունների շրջանակներում բազմաթիվ կիբեր հարձակումներ են իրականացրել Ռուսաստանի դեմ: Ըստ աղբյուրի՝ Ռուսաստանի հասարակական կազմակերպություններին և ազգային անվտանգության գաղտնի համակարգին պատկանող շուրջ 2.300 կայք թուրք հաքերների կողմից նմանատիպ հարձակումների է ենթարկվել: Կայքերի մի մասը ժամանակավորապես անհասանելի է դարձել, իսկ որոշ կայքեր ընդհանրապես դադարեցրել են իրենց գործուներությունը:

Թուրք հաքերների պնդմամբ՝ կիբեր հարձակման ենթարկված կայքերի մեծ մասն իրենց սովորական տեսքի փոխարեն այցելուներին ներկայացել են Էրդողանի կամ սուլթան Ֆաթիհ Մեհմեդի լուսանկարով և թուրքական ռազմական քայլերգով: Թուրքական կողմը հայտարարում է, որ այս գործողություններից հետո մեկ շաբաթվա ընթացքում ռուս հաքերները դարդարեցրել են հարձակումները թուրքական կայքերի վրա:

Աղբյուրը նշում է, որ «Skorsky» ծածկանվամբ հայտնի թուրք հաքերը 26 տարեկան է և գործում է ինքնություն, սեփական նախաձեռնությամբ՝ առանց թուրքական պետության կամ որևէ պետական կառույցի հետ համագործակցության:

Աղբյուր` Ermenihaber.am

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Սերդար Քըլըչն Ալիջանի սահմանային անցակետով կայցելի Հայաստան

Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։