Քաղաքական11:48, 04 Հունվար 2016
Թուրքիան պատրաստվում է իրավական պատերազմի Ռուսաստանի դեմ
Թուրքական օդուժի կողմից ռուսական ռազմական ինքնաթիռի խոցումից հետո Անկարայի և Կրեմլի միջև առաջացած ճգնաժամը երկկողմ հարաբերությունների լարվածության նոր փուլ է թևակոխում: Ռուս-թուրքական վատթարացած հարաբերությունների հետագա ճակատագրից է խոսել Թուրքիայի էկոնոմիկայի նախարար Մուստաֆա Էլիթաշը:
«Sabah» թերթի հետ զրույցում նախարարը բողոքել է, որ Ռուսաստանի փոքր քաղաքաներում ճնշումներ են գործադրվում տեղի թուրքական ընկերությունների վրա, որպեսզի վերջիններիս բաժնեմասերը անցնեն իրենց ռուսական գործընկերին: Ռուսաստանը շարունակում է ուժեղացնել Թուրքիայի նկատմամբ կիրառվող տնտեսական պատժամիջոցները: Իսկ Թուրքիան էլ իր հերթին պատրաստվում է իր Ռուսատսանի դեմ բողոքը տեղափոխել Առևտրի համաշխարհային կազմակերպություն և հարցը բարձրացնել նաև միջազգային դատարաններում: Էլիթաշը տեղեկացրել է, որ առայժմ իրենք ապացույցների ամրագրման և փաստահավաք գործողություններ են իրականացնում:
«Ռուսաստանի հետ հարաբերությունները նման են եղանակային փոփոխություններին,- նշել է թուրք նախարարը: - Մի օր կտեսնես արևոտ է, մի օր՝ ամպամած, մի օր էլ՝ անձրևոտ: Մոսկվան առևտրի կանոններին անհարիր պահվածք է դրսևորում: Այնինչ հարցերը քննարկելով են լուծվում»:
Նախարարը նաև նշել է, որ ինքնաթիռի խոցումից հետո երկկողմ հարաբերությունների վատացման հետևանքով 35 օրվա ընթացքում մինչև 2015-ի տարեվերջ արդեն կողմերի միջև առևտրաշրջանառության ծավալը նվազել է 52 տոկոսով:
Այս ենթաբաժնի վերջին նորությունները
Դաշինքի գլխավոր քարտուղարն այս առիթով Թուրքիային ուղղված շնորհակալական հայտարարություն է հրապարակել:
Օրակարգում են եղել տարածաշրջանային զարգացումներն ու երկկողմ նշանակության հարցերը։
Նախագահները քննարկել են երկկողմ հարաբերությունները, Ուկրաինայում և Սիրիայում տիրող իրավիճակը, ինչպես նաև տարածաշրջանային և գլոբալ հարցեր։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի տարածքային ենթակառուցվածքների նախարարը հաղորդագրություն է տարածել։
Բեյշեհիր լիճն աստիճանաբար վերածվում է խոշոր եղջերավոր կենդանիների արոտավայրի։
Ստամբուլում ծնված Հայկո Ջեփքինը կմասնակցի Էսքիշեհիր քաղաքում անցկացվելիք «Gastro Fest»-ին:
Ջրի պաշարները հաշվարկվում են մոտավորապես մինչև 35 օր: Քաղաքապետը կոչ է արել խիստ խնայողաբար օգտագործել այն:
Մարդիկ Թուրքիայում աշխատում են շաբաթական միջինում 45.6 ժամ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |