Իսրայելի և Թուրքիայի միջև հարաբերությունները կարգավորելուն միտված բանակցությունները շարունակվում են

Միջազգային08:44, 29 Դեկտեմբեր 2015

Իսրայելի և Թուրքիայի միջև հարաբերությունները կարգավորելուն միտված բանակցությունները շարունակվում են

Իսրայելի Վարչապետ Բենյամին Նեթանյահուի անձնական ներկայացուցիչ, արտաքին գործերի նախարարության համակարգող Դորե Գոլդը հայտարարել է, որ ներկայում հարաբերությունները վերականգնելու ուղղությամբ Թուրքիայի և Իսրայելի միջև ինտենսիվ բանակցություններ են տեղի ունենում:

Թուրքական «Doğan» լրատվական գործակալությունը, հղում անելով հրեական «Jerusalem Post» թերթին, մեջբերել է հրեա պաշտոնյայի խոսքերը. «Կան թեմաներ, որոնց շուրջ արդեն համաձայնության ենք հասել, որոշ թեմաների շուրջ էլ դեռ շարունակվում են բանակցությունները, սակայն գործերը ճիշտ ուղղությամբ են առաջ գնում»:

Գոլդը նշել է, որ տարածաշրջանում տնտեսական և անվտանգության ոլորտներում տեղի ունեցող զարգացումները 2 երկրների շահերը իրար են կապում:

«Հավատում եմ, որ համաձայնությունը հեռու չէ, սակայն վերջնական համաձայնության համար կոնկրետ ամսաթիվ չեմ կարող նշել: Տարածաշրջանում տիրող իրավիճակը մեզ համաձայնությունից բացի այլ ընտրություն չի թողում»,- ասել է Իսրայելի վարչապետի անձնական ներկայացուցիչը:

Թուրքական գործակալությունն էլ հիշեցրել է, Թուրքիայի նախագահի խոսնակ Իբրահիմ Քալընի հայտարարությունը, ով ասել էր, որ հարաբերությունների կարգավորման համար ներողությունից բացի թուրքական կողմը Իսրայելից պահանջում է «Մավի Մարմարա»-ի միջադեպի զոհերի համար փոխհատուցում և Գազայի հատվածի ապաշրջափակում:

Հիշեցնենք, որ Թուրքիայի և Իսրայելի հարաբերությունները սրվել էին «Մավի Մարմարա» նավի միջադեպից հետո: Իսրայելցի զինվորները 2010 թ-ի մայիսի 31-ին հարձակվել էին թուրքական «Մավի Մարմարա» նավի վրա, որը միջազգային մարդասիրական նավաշարասյան կազմում օգնություն էր փոխադրում Պաղեստինի Գազայի հատված: Թել Ավիվը պահանջել էր նավի վրա բեռների ստուգում անցկացնել: Երբ նավի անձնակազմը հրաժարվել էր ենթարկվել պահանջին, իսրայելցի զինվորների հարձակման էին անցել: Հարձակման հետևանքով զոհվել էր Թուրքիայի 9 քաղաքացի:

Աղբյուր` Ermenihaber.am

Այս ենթաբաժնի վերջին նորությունները

14:18, 07 մայ

Թուրքիան դատապարել է Հնդկաստանի հարձակումը Պակիստանի վրա

Հայտարարության մեջ կողմերին կոչ է արվել գործել ողջամիտ և խուսափել միակողմանի գործողություններից։

11:40, 05 մայ

Իսրայելական մամուլ․ Թուրքիայի պատճառով Նեթանյահուն չեղարկել է իր այցն Ադրբեջան

Որպես այլընտրանքային ուղիներ դիտարկվել են Հունաստանի և Բուլղարիայի օդային տարածքները:

13:48, 02 մայ

Լեհաստանի փոխարտգործնախարար. «Թուրքիայի տեղը ԵՄ-ում պարզ կդառնա առաջիկայում»

Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։