Տարածաշրջան10:47, 25 Դեկտեմբեր 2015
Արաբական պետություննների լիգան քննադատել է թուրքական զորքերի ներխուժումը Իրաքի տարածք
Դեկտեմբերի 24-ին Եգիպտոսի մայրաքաղաք Կահիրեում տեղի է ունեցել Արաբական պետությունների լիգայի անդամ-երկրների(ԱՊԼ) արտգործանխարարների նիստ, որի ժամանակ քննարկվել է թուրքական զորքերի կողմից Իրաքի տարածքի ներխուժման հարցը:
Թուրքական «Haberler» լրատվական կայքի հաղորդմամբ` նիստից հետո կազմակերպված մամուլի ասուլիսի ժամանակ, արտաքին գործերի նախարարները քննադատել են թուրքական զորքերի ներկայությունը Իրաքի Քուրդիստանի Մոսուլ քաղաքից 30 կմ հեռավորության վրա գտնվող Բաշիքա շրջանում: Նրանք շեշտել են, որ դա արաբական աշխարհի անվտանգության համար սպառնալիք է:
Մասնավորապես, ԱՊԼ-ի գլխավոր քարտուղարի օգնական Ահմեդ Բին Հելին ընդգծել է, որ թուրքական զորքերի ներկայությունը Իրաքի տարածքում ավելի է վատթարացնում առանց այդ էլ տարածաշրջանում ստեղծված քաոսային իրավիճակը: Ըստ նրա` Թուրքիայի վերոնշյալ քայլը ոչ մի կերպ չի համապատասխանում միջազգային իրավունքի նորմերին: Դա Իրաքի սուվերենության խախտում է:
«Թող Թուրքիայի զորքերը անհապաղ դուրս գան Իրաքից»,-ասել է Հելինը
Վերջինս տեղեկացրել է, որ այն բանից հետո, երբ թուրքական զորքերը ներխուժեցին Իրաք, Թուրքիայի և ԱՄՆ-ի նախագահները հեռախոսազրույց ունեցան, ինչից հետո թուրքական զորքերը սկսեցին հեռանալ Բաշիքա շրջանից, տեղափոխվելով մոտակայքում գտնվող այլ շրջան:
Նշենք, որ դեկտեմբերի 5-ին թուրքական զորաջոկատները առանց Իրաքի կենտրոնական իշխանություններ թույլտվության ներխուժել են Իրաքի Քուրդիստանի Մոսուլ քաղաքից 30 կմ հեռավորության վրա գտնվող Բաշիքա շրջան, որտեղ հաստատվել են ավելի վաղ թուրքերի կողմից հիմնած ռազմակայանում:
Իրաքի Քուրդիստանի զինված ուժերի` Փաշմերգայի, զորաջոկատները մարզելու նպատակով արդեն 2 տարի Բաշիքայում գտնվող որոշակի քանակով թուրք զինվորականների թիվը կտրուկ ավելացնելը, ըստ թուրքական կողմի, կրկին մարզելու և «Իսլամական պետություն» ահաբեկչական խմբավորման դեմ պայքարը արդյունավետ դարձնելու նպատակ ունի:
Այս ենթաբաժնի վերջին նորությունները
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։
«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Որպես այլընտրանքային ուղիներ դիտարկվել են Հունաստանի և Բուլղարիայի օդային տարածքները:
Հարձակումն կատարած անձը ձերբակալվել է: Դեպքի հանգամանքները պարզվում են:
Թուրքական մամուլում որպես պատճառ նշվում է իրանական նավթի ներկրումը:
JINSA-ի զեկույցում ընդգծվել է, որ Թուրքիան կործանիչների ձեռքբերման տեսանկյունից վստահելի չէ:
Նշվում է, որ աշխատանքներ են տարվում Թուրքիայից դեպի Հալեպ և Իդլիբ էլեկտրաէներգիա և գազ փոխադրելու 2 նոր գծի վրա։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |