Ցեղասպանություն07:26, 22 Դեկտեմբեր 2015
Հայոց ցեղասպանության մասին թուրքական ֆիլմը կարող է Օսկարի առաջադրվել
Հայոց ցեղասպանության թեմայով Թուրքիայում նկարահանված առաջին գեղարվեստական լիամետրաժ ֆիլմը՝ «Կորուսյալ թռչունները», կարող է Օսկարի առաջադրվել 11 կատեգորիայում: Մրցանակաբաշխությունը տեղի է ունենալու 2016-ի փետրվարի 28-ին հոլիվուդյան «Dolby Theatre»-ում: Հոլիվուդյան մրցանակաբաշխության թեկնածուների վերջնական ցուցակը կհրապարակվի հունվարի 14-ին:
Թուրքիայի իշխանություններին մոտ կանգնած «Sabah» թերթն այս կապակցությամբ գրում է.«1915-ին այսպես կոչված հայերի տեղահանության մասին երկու փոքրիկների տեսակյունից պատմող ֆիլմն էկրան է բարձրացել Լոս Անջելեսում և ընդունվել մեծ ոգևորությամբ»:
Ֆիլմի համառեժիսոր, ազգությամբ թուրք Էլա Ալյամաչը նշել է, որ Լոս Անջելեսում տեղի ունեցած գալա ցուցադրությունից հետո ֆիլմի նկատմամբ մեծ հետաքրքրություն է ցուցաբերվել: Արդյունքում ֆիլմը մեծ էկրան է բարձրացել և աննախադեպ հաջողություն ունեցել հանդիսատեսի շրջանում:
«Գիտական շրջանակներից որոշները, ովքեր ավելի վաղ դիտել էին ֆիլմը, դրական արտահայտվեցին ֆիլմի վերաբերյալ: Անսալով նրանց խոսքին՝ մենք դիմեցինք Օսկարի առաջադրվելու համար»,- մեկնաբանել է Ալյամաչը:
Հիշեցնենք, որ «Կորուսյալ թռչուններ» ֆիլմի սցենարի հեղինակն ու համառեժիսորներն են հայազգի Արեն Փերդեջին և Էլա Ալյամաչը: Գլխավոր դերերում նկարահանվել են ծագումով թուրք Դիլա Ուլուջան և Ահմեթ Ուզը, ինչպես նաև հայ դերասաններ Արտո Արսենյանն ու Հերոս Հակոբյանը: Ֆիլմի իրադարձությունները ծավալվում են Հայոց ցեղասպանության ընթացքում մի գիշերվա մեջ իրենց ողջ ընտանիքը կորցրած երեխաների՝ Մարիամի ու Պետոի՝ որոնումների շուրջ: Ֆիլմի պրեմիերան կայացել է ԱՄՆ-ում:
Այս ենթաբաժնի վերջին նորությունները
Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:
Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ստեղծագործության տեսահոլովակը նկարահանվել է Ստամբուլի Բեշիքթաշի Սուրբ Աստվածածին հայկական եկեղեցում:
Իսրայելի զինված ուժերում շուրջ 20 տարի ծառայած, այժմ Երուսաղեմի ռազմավարության և անվտանգության ինստիտուտը ղեկավարող Էրան Լերմանը խոսել է Իսրայել-Թուրքիա հնարավոր առճակատման մասին։
2025-ի հուլիսի տվյալներով՝ միլիոնատերերի թիվը 1 տարվա ընթացքում ավելացել է 775 հազարով՝ հասնելով 2․367000-ի։
Իսրայելական մամուլը գրում է, որ Իսրայելի ազգային անվտանգության նախարարին ցանկացել են սպանել Թուրքիայից ստացված հրամանի հիման վրա։
Հուշագրի հիմնական նպատակն է իրականացնել համատեղ ծրագրեր՝ երիտասարդության ոլորտում գործընկերության ամրապնդման ուղղությամբ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |