Տարածաշրջան12:50, 22 Դեկտեմբեր 2015
Դիարբեքիրի Սուր շրջանում այս տարի 157 խաղաղ բնակիչ է սպանվել. ընդդիմադիր կուսակցության զեկույցը
Թուրքիայի գլխավոր ընդդիմադիր «Ժողովրդահանրապետական կուսակցության» (ԺՀԿ-CHP) պատգամավորներ Հիլմի Յարայըջըն և Իլհան Ջիհանները կուսակցության ղեկավարության հանձնարարությամբ զեկույց են կազմել Դիարբեքիրի Սուր կենտրոնական շրջանում ՔԲԿ-ի (Քուրդիստանի բանվորական կուսակցություն -PKK) զինյալների և թուրք ուժայինների միջև տեղի ունեցած և դեռ շարունակվող բախումների մասին:
Թուրքական «internethaber.com» կայքի հաղորդմամբ` զեկույցի համահեղինակ Յարայըջըն ուսումնասիրության վերաբերյալ որոշ մանրամասներ է պատմել թուրքական «Hurriyet» թերթին:
Զեկույցում նշվում է, որ 2015 թվականի հունվարի 1-ից դեկտեմբերի 5-ն ընկած ժամանակահատվածում Սուր շրջանում թուրք ուժայինների և ՔԲԿ-ի զինյալների ու նրանց համակիրների բախումների հետևանքով մահացել է ընդհանուր առմամբ 523 մարդ: Մահացածներից 171-ը անվտանգության ուժերի աշխատակիցներ են, 195-ը` քուրդ զինյալ, իսկ 157-ը` խաղաղ բնակիչ:
Զեկույցում ասվում է, որ եթե նախկինում բախումները տեղի էին ունենում սարերում ու դաշտավայրերում, ապա վերջին շրջանում քաղաքային բնակավայրերն են վերածվել պատերազմի թատերաբեմի և պետք է այս բախումների դեմն առնել, քանի դեռ դրանք ինտենսիվ պատերազմի չեն վերածվել:
Բախումների հետևանքով Թուրքիայի ներսում 200 հազար մարդ փախստական է դարձել: Միայն Սուր շրջանի` պարետային ժամ հայտարարված թաղամասերում բնակվող 24.000 մարդուց 22.000-ը լքել են իրենց տները:
Վերջին 2 շաբաթում Սուրում փակվել է 361 խանութ ու արհեստանոց, 50-նն էլ փոխել է գործունեության վայրը:
Զեկույցը կազմողները զրուցել են նաև տեղի բազմաթիվ բնակիչների հետ, որոնք պատմել են քուրդ բնակիչների նկատմամբ թուրք ուժայինների վիրավորական ու նվաստացնող վերաբերմունքի մասին:
Այս ենթաբաժնի վերջին նորությունները
Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը:
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Երկրաշարժը տեղի է ունեցել առավոտյան ժամը 8։24-ի սահմաններում:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։
Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։
Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Մոշե Էլադը նշել է, որ հնարավոր հարձակման դեպքում չկա որևէ երաշխիք, որ ՆԱՏՕ-ն անվերապահորեն կաջակցի Թուրքիային։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |