Արա Գյուլերն ու Էրդողանը` հայտնի ծաղրանկարչի թիրախում

Հասարակական12:03, 22 Դեկտեմբեր 2015

Արա Գյուլերն ու Էրդողանը` հայտնի ծաղրանկարչի թիրախում

Բրազիլացի հայտնի ծաղրանկարիչ Կառլոս Լաթուֆի թիրախում այս անգամ հայտնվել են Թուրքիայի նախագահ Ռեջեփ Թայիփ Էրդողանն ու պոլսահայ հանրահայտ լուսանկարիչ Արա Գյուլերը:

Լաթուֆը իր հերթական ծաղրանկարում անդրադարձել է օրերս Գյուլերի` Էրդողանին և նրա ընտանիքին լուսանկարելուն:

Թուրքիայում բազմիցս գրաքննության զոհ դարձած բրազիլացի նկարիչի ծաղրանկարում պատկերված է Էրդողանը` թուղթը ձեռքին, նստած զուգարանակոնքին, որին լուսանկարում է Գյուլերը: Ծաղրանկարը ուղեկցվում է հետևյալ գրությամբ. «Արա Գյուլերը լուսանկարել է Էրդողանին, այն պահին, երբ վերջինս գրում էր Էրդողանստանի (նախկ. Թուրքիա) պայծառ ապագան»:

Հիշեցնենք, որ վերջերս աշխարահռչակ պոլսահայ լուսանկարիչ Արա Գյուլերը լուսանկարել է Թուրքիայի նախագահ Ռեջեփ Թայիփ Էրդողանին և նրա ընտանիքի անդամներին:Նախագահին լուսանկարելու ցանկություն հայտնել է հենց Գյուլերը: Նախագահ Էրդողանն աշխարհահռչակ լուսանկարչին ընդունել է Քըսըքլըում գտնվող իր բնակարանում: Գյուլերը լուսանկարել է նախագահին, առաջին տիկնոջը՝ Էմինե Էրդողանին և նրանց թոռներին՝ Ահմեթին և Մահինուրին:

Աղբյուր` Ermenihaber.am

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։