Մշակութային08:38, 15 Դեկտեմբեր 2015
«Բարի Արագիլ», «Կիլիկիա», «Նամակը» երգերը` հայ և թուրք երաժիշտները համատեղ նախագծում
Դեկտեմբերի 14-ին հայ և թուրք երաժիշտները Երևանում հանդես եկան համատեղ համերգով: «Մեղեդիների ներդաշնակություն» խորագով համերգի նախաձեռնությունը պատկանում է հայկական հայտնի ռոք խմբի` «The Beautified Project»-ի մեներգիչ Անդրե Սիմոնյանին:
ԱՄՆ դեսպանատան աջակցությամբ իրականացված նախագծին բացի վերոնշյալ ռոք խմբից մասնակցում էր նաև ստամբուլահայ երգչուհի Սիբիլը, ինչպես նաև թուրք հայտնի կոմպոզիտոր Գյոքսել Բաքթագիրը, երաժիշտներ Յուրդալ Թոքջանը, Բուրաք Մալչոքը և Մերս Էմլասը:
Համերգին ներկայացվեցին «The Beautified Project» խմբի և Սիբիլի երգացանկից ստեղծագործություններ` թուրքական դասական երաժշտական գործիքների նվագակցությամբ: Յուրահատուկ գործիքավորման շնորհիվ երաժիշտների արդեն հայտնի դարձած երգերը ներկյայացվեցին նորովի:
Համերգից առաջ Ermenihaber.am-ի հետ զրույցում երգչուհի Սիբիլը կիսվեց իր ոգևորությամբ` նշելով, որ ուրախ է լինել նման նախագծի մասնակից: «Այսօր կզգաք, թե ինչպես են ներդաշնակվում տարբեր երաժշտություններ: Մենք դա փորձերի ընթացքում զգացել ենք: Իսկապես 2 խմբերը շատ ներդաշանակ են: Գեղեցիկ համադրություն է ստացվել»,- ասաց նա:
«Ermenihaber.am»-ի այն հարցին, թե արդյոք իրենք` թուրք երաժիշները, զգում են հայկական երաժշտության ներգործությունը թուրքականի վրա, թուրք կոմպոզիտոր Գյոքսել Բաքթագիրը ասաց. «Դեռևս Օսմանյան ժամանակներից հայ կոմպոզիտորները մեծ ազդեցություն են ունեցել թուրքական երաժշտության վրա: Մինչև այսօր մենք հաճույքով կատարում ենք նրանց ստեղծագործությունները»:
Մոտ 2 ժամ տևած համերգի ընթացքում թուրք երաժիշտների նվագակցությամբ հնչեցին այնպիսի հայտնի ստեղծագործություններ ինչպիսիք են «Բարի Արագիլը», «Կիլիկիան», «Նամակը»:
Համերգին ներկա էին ԱՄՆ դեսպան Ռիչարդ Միլսը, ՀՀ Մշակույթի փոխնախարար Ներսես Տեր-Վարդանյանը, Պոլսո Հայոց Պատրիարքի փոխանորդ Արամ Աթեշյանը:
Երաժիշտները նախագիծը կներկայացնեն նաև Ստամբուլում` դեկտեմբերի 22-ին:
Այս ենթաբաժնի վերջին նորությունները
Ուղուրջան Բալ. «Չնայած Հայաստանը տարածքով փոքր է, բայց խոր արմատներ ունեցող իր պատմությամբ աշխարհի ամենահին քաղաքակրթություններից մեկն է»։
Ստեղծագործության տեսահոլովակը նկարահանվել է Ստամբուլի Բեշիքթաշի Սուրբ Աստվածածին հայկական եկեղեցում:
Պատարագի մատուցման նախապատրաստական աշխատանքներն ընթացքի մեջ են։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։
Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։
Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Մոշե Էլադը նշել է, որ հնարավոր հարձակման դեպքում չկա որևէ երաշխիք, որ ՆԱՏՕ-ն անվերապահորեն կաջակցի Թուրքիային։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |