Տարածաշրջան07:40, 11 Դեկտեմբեր 2015
Իրաքը կրկին պահանջել է թուրքական զորքը դուրս բերել իր տարածքից
Թուրքիայի Ազգային հետախուզության ծառայության պետ Հաքան Ֆիդանը և փոխարտգորնախարար Ֆերիդուն Սինիրլիօղլուն մեկնել են Բաղդադ, որտեղ հանդիպում են ունեցել Իրաքի վարչապետ Հայդար ալ Աբադիի և արտգործնախարար Իբրահիմ ալ Ջաֆերի հետ:
Թուրքական «haberler» լրատվակայքը, հղում անելով Իրաքի արտգործնախարարության խոսնակ Ահմեդ Ջեմալի գրավոր հայտարարությանը, նշում է, որ կողմերը քննարկել են թուրքական զորքերի իրաքյան Բաշիքա շրջանում տեղակայվելու հարցը: Իրաքը դա դիտում է որպես օտար զինուժի ներխուժում սեփական տարածք: Հանդիպման ժամանակ Իրաքի արտգործնախարարը շեշտել է, որ թուրքական զորքի մուտքով խախտվել է իրենց երկրի սուվերենությունը: Նա պահանջել է, որ Թուրքիան դուրս բերի իր զորքը Իրաքի տարածքից:
Ֆիդանն այցի ընթացքում նաև առանձին հանդիպել է Իրաքի վարչապետ Հայդար ալ-Աբադիի հետ: Վերջինս հանդիպման ընթացքում նույնպես անդրադառնալով վերոնշյալ խնդրին, պահանջել է, որ թուրքական զինուժն ամբողջովին դուրս գա Մոսուլի նահանգի Բաշիքա շրջանից:
Թուրքական կողմն էլ իր զինուժի նման քայլը պատճառաբանել է «Իսլամական պետություն» (ԻՊ) ահաբեկչական կազմակերպության դեմ պայքարով:
Հիշեցնենք, որ թուրքական զորաջոկատները առանց Իրաքի կենտրոնական իշխանությունների թույլտվության ներխուժել են Իրաքի Քուրդիստանի Մոսուլ քաղաքից 30 կմ հեռավորության վրա գտնվող Բաշիքա շրջան, որտեղ հաստատվել են ավելի վաղ թուրքերի կողմից հիմնած ռազմակայանում և նպատակ ունեն մարզել Իրաքի Քուրդիստանի զինված ուժերի` Փեշմերգայի, զորաջոկատները:
Այս ենթաբաժնի վերջին նորությունները
Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը:
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Երկրաշարժը տեղի է ունեցել առավոտյան ժամը 8։24-ի սահմաններում:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։
Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։
Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Մոշե Էլադը նշել է, որ հնարավոր հարձակման դեպքում չկա որևէ երաշխիք, որ ՆԱՏՕ-ն անվերապահորեն կաջակցի Թուրքիային։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |