Էրդողանին վիրավորելու համար բերման է ենթարկվել «Today's Zaman» թերթի նախկին գլխավոր խմբագիրը

Հասարակական09:22, 11 Դեկտեմբեր 2015

Էրդողանին վիրավորելու համար բերման է ենթարկվել «Today's Zaman» թերթի նախկին գլխավոր խմբագիրը

Թուրքիայի նախագահ Ռեջեփ Թայիփ Էրդողանի հասցեին վիրավորական գրառում կատարելու համար ձերբակալվել է թուրքական «Today's Zaman» թերթի նախկին գլխավոր խմբագիր Բյուլենթ Քենեշը:

Ինչպես փոխանցում է թուրքական «hurriyet» պարբերականի կայքը, Քենեշն իրավապահների կողմից բերման է ենթարկվել Ստամբուլի Աթաթուրքի օդանավակայանից, երբ պատրաստվելիս է եղել մեկնել Իզմիր: Տեղափոխվել է Ստամբուլի ոստիկանական բաժանմունք: Նախքան տեղափոխվելը Քենեշը իր դժգոհությունն է հայտնել այն կապացությամբ, որ Թուրքիայի ոստիկանության ահաբեկչության դեմ պայքարի վարչությունը զբաղված լրագրողների ձերբակալություններով, մինչդեռ երկրում պայթյուններ, անօրինականություններ են տեղի ունենում, ապօրինաբար իրականացվում է թմրանյութի ներկրում և արտահանում:

Ըստ Քենեշի` անտեսվում է նաև այն հանգամանքը, որ Թուրքիայում գործունեություն են ծավալում այնպիսի ուժեր, ինչպիսիք են «Քուրդիստանի բանվորական կուսակցությունը» (ՔԲԿ-PKK), «Իսլամական պետություն» (ԻՊ) և «Ալ-Կաիդա» ահաբեկչական կազմակերպությունների կառուցյները:

Ավելի ուշ թուրքական «zaman» պարբերականն իրազեկում է, որ հարցաքննությունից հետո Քենեշն ազատ է արձակվել:

Աղբյուր` Ermenihaber.am

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։