Տնտեսական06:39, 10 Դեկտեմբեր 2015
Թուրքիայի փոխվարչապետն անդրադարձել է երկրի առաջին ատոմակայանը ռուսների հետ կառուցելու հարցին
Թուրքիայի փոխվարչապետ Նուման Քուրթուլուշը լրագրողներին հայտնել է, որ դեռ վաղ է խոսել միջերկրածովյան Մերսին նահանգի Աքքույու վայրում ատոմակայանի շինարարության նախագծից հետագա ընթացքի մասին: Թուրքիայի այդ առաջին ատոմակայանի կառուցումը ստանձնել էր ռուսական «Ռոսատոմ» ընկերությունը: Նախագծի համաձայն Աքքույուի ատոմակայանի հզորությունը պիտի կազմեր 4800 մեգավատ (1200 մեգավատ հզորությամբ 4 էներգաբլոկ)։ Բայց ինչպես տեղեկացնում է «Milliyet» պարբերականի կայքը, Քուրթուլուշը նշել է, որ ռուսական կողմը հեշտությամբ կհրաժարվի Աքքույու նախագծից: Բացի այդ, ըստ փոխվարչապետի, ինչպես առևտրային հարցերում Թուրքիան կախված չէ որևէ մի երկրից, այնպես էլ միջուկային կայանների տեխնոլոգիայի հարցում կախվածություն չունի: Բազմամթիվ երկրներ կան, որոնք պատրաստ են բավարարել Թուրքիայի միջուկային պահանջները և միաժամանակ ձեռնամուխ լինել նմանօրինակ նախագծերի իրականացմանը:
Իրաքի Մոսուլ նահանգի Բաշիքա շրջանում թուրքական ռազմաճամբարի զորաքանակի ավելացման թեմայով փոխվարչապետը շեշտել է, որ նախքան դա Թուրքիայի և Իրաքի պաշտպանության նախարարները զրույց են ունեցել: Բացի դրանից Թուրքիայի վարչապետ Ահմեթ Դավութօղլուն Իրաքի վարչապետ Հայդար ալ Աբադիին համապատասխան նամակ էր հղել: Թուրքական զորքի մուտքը Իրաքի հյուսիս, Քուրթուլուշի հավաստմամբ, նախապես ծրագրված է եղել:
Քուրթուլուշը նաև անդրադարձել է վերջերս շրջանառվող այն լուրերին, ըստ որոնց Թուրքիան նավթային առևտուր է անում «Իսլամական պետություն» (ԻՊ) ահաբեկչական կազմակերպության հետ: Նա դրանք որակել է Թուրքիայի և նախագահ Ռեջեփ Թայիփ Էրդողանի դեմ ուղղված սադրանք և պնդել, որ Թուրքիան ոչ մի ահաբեկչական կազմակերպության հետ նավթային առևտուր չի իրականացնում:
Այս ենթաբաժնի վերջին նորությունները
Թուրքիայի արտահանողների խորհրդի տվյալներով՝ Գերմանիա արտահանումը նախորդ տարվա համեմատ աճել է 9․4%-ով՝ հասնելով 13․1 մլրդ դոլարի:
Յաշար Գյուլերը նշել է, որ վճռական են զարգացնել համագործակցությունը ռազմարդյունաբերության ոլորտում
Դա Թուրքիայում հանրային լայն քննարկումների առիրթ է դարձել։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։
Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։
Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Մոշե Էլադը նշել է, որ հնարավոր հարձակման դեպքում չկա որևէ երաշխիք, որ ՆԱՏՕ-ն անվերապահորեն կաջակցի Թուրքիային։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |