Տարածաշրջան12:20, 09 Դեկտեմբեր 2015
Կասպիցծովյան տրանզիտային միջանցքը՝ որպես այլընտրանքային ուղի Թուրքիայի համար
Ռուսաստանի և Թուրքիայի միջև առաջացած լարված իրադրության և կաթվածահար եղած առևտրատնտեսական կապերի պատճառով Թուրքիան այլընտրանքային առևտրական ուղիներ է որոնում: Թուրքական «Sabah» թերթի կայքի տեղեկացմամբ՝ այսուհետ որպես այդպիսի այլընտրանք կարող է ծառայել կասպիցծովյան տրանզիտային միջանցքը: Ըստ աղբյուրի՝ վերջինս կարող է Ռուսաստանի համեմատ ավելի արագ և կրկնակի էժան առևտրական կապեր ապահովել, ինչպես նաև՝ նոր առևտրական շուկաներ դուրս գալու հնարավորություն ընձեռնել Թուրքիային:
Կասպիցծովյան միջանցքի վերաբերյալ «Կասպյան ռազմավարական ինստիտուտի» (HASEN) պատրաստած հաշվետվության համաձայն՝ այս միջանցքը, որը պետք է Թուրքիայի միջոցով միմյանց կապի Եվրոպան ու Չինաստանը, տարածաշրջանում Թուրքիայի համար լոգիստիկ կենտրոնի կարգավիճակ կստեղծի: Ենթադրվում է, որ Թուրքիայի և Չինաստանի միջև արտաքին առևտրի ծավալը, որը ներկայումս կազմում է տարեկան 24 մլրդ դոլար, մինչև 2020թ. կկազմի 100 մլրդ դոլար: Իսկ Եվրոպայի և Չինաստանի միջև կատարվող առևտրի ծավալը նույն տարեթվին ենթադրաբար կհատի 800 մլրդ սահմանը:
«HASEN»-ի մասնագետներից Զաֆեր Աջարն ընդգծել է, որ կասպիցծովյան միջանցքի երկրները կարող են փոխհատուցել Ռուսաստանի հետ առևտրի սահմանափակումները: Որպեսզի այս առևտրական ուղին կյանքի կոչվի, անհրաժեշտ է, որ Թուրքիան հնարավորինս արագ ավարտի Բաքու–Թբիլիսի–Կարս ուղու՝ իր տարածքում գտնվող 76կմ երկարությամբ հատվածի շինարարությունը:
Այս ենթաբաժնի վերջին նորությունները
Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը:
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Երկրաշարժը տեղի է ունեցել առավոտյան ժամը 8։24-ի սահմաններում:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։
Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։
Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Մոշե Էլադը նշել է, որ հնարավոր հարձակման դեպքում չկա որևէ երաշխիք, որ ՆԱՏՕ-ն անվերապահորեն կաջակցի Թուրքիային։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |