Տնտեսական09:32, 09 Դեկտեմբեր 2015
Իրաքի մի շարք նահանգներ արգելել են թուրքական ապրանքների ներկրումը
Թուրքիան Իրաքի Մոսուլ նահանգի Բաշիքա շրջանում, ավելացնելով իր ռազմաճամբարի զորաքանակը, դժգոհություն է առաջացրել իրաքյան քաղաքական շրջանակներում և լարվածություն ստեղծել Բաղդադ-Անկարա հարաբերություններում:
Ինչպես հաղորդում է թուրքական «haberler» լրատվական կայքը, որպես բողոքի նշան, Իրաքի մի շարք նահանգներում արգելվել է Թուրքիայից ներկրվող ապրանքների մուտքը:
Նման որոշում կայացվել է Բաղդադի նահանգային խորհրդում, դեկտեմբերի 9-ին կայացած քվեարկության ժամանակ: Թուրքական ապրանքների նկատմամբ նույն դիրքորոշումն են որդեգրել նաև Իրաքի Մուսեննա և Դիվանիյե նահանգները:
Մասնավորապես Մուսեննայի նահանգային խորհրդի փոխնախագահ Հարիս Լեմհուդը նշել է, որ հաշվի առնելով այն փաստը, որ Թուրքիան խախտել է Իրաքի սուվերենությունը, թուրքական ընկերությունների հետ նախկինում ստորագրված պայմանագրերը չեղյալ են հայտարարվելու:
Իսկ իրաքցի տնտեսագետ Աբդուրահման Մեշհեդանին նշել է, որ թուրքական ապրանքների դեմ բոյկոտը լուրջ հետևանքներ չի ունենա իրաքյան շուկայի համար:
Հիշեցնենք, որ օրերս Թուրքիան լրացուցիչ 600 հոգանոց զորախումբ էր ուղարկել Բաշիքա շրջան: Իրաքի վարչապետ Հայդեր ալ Աբադին Թուրքիային տվել էր 48 ժամ թուրք զինվորներին Իրաքի տարածքից հեռացնելու համար:
Այս ենթաբաժնի վերջին նորությունները
Թուրքիայի արտահանողների խորհրդի տվյալներով՝ Գերմանիա արտահանումը նախորդ տարվա համեմատ աճել է 9․4%-ով՝ հասնելով 13․1 մլրդ դոլարի:
Յաշար Գյուլերը նշել է, որ վճռական են զարգացնել համագործակցությունը ռազմարդյունաբերության ոլորտում
Դա Թուրքիայում հանրային լայն քննարկումների առիրթ է դարձել։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։
Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։
Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Մոշե Էլադը նշել է, որ հնարավոր հարձակման դեպքում չկա որևէ երաշխիք, որ ՆԱՏՕ-ն անվերապահորեն կաջակցի Թուրքիային։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |