Թուրքիան արտաքսել է իր տարածքում աշխատող ռուսական հեռուստաընկերության լրագրողներին

Տարածաշրջան07:47, 09 Դեկտեմբեր 2015

Թուրքիան արտաքսել է իր տարածքում աշխատող ռուսական հեռուստաընկերության լրագրողներին

Թուրքիան արտաքսել է իր տարածքում նկարահանումներ իրականացնող ռուսական «Rossia-1» պետական հեռուստաընկերության աշխատակիցներին:

Թուրքական «Hurriyet» թերթի կայքը, վկայակոչելով Ռուսաստանի արտաքին գործերի նախարարության լրատվական ծառայությանը, գրում է, որ ռուսական հեռուստաալիքի լրագրողները դեկտեմբերի 7-ին իրապահների կողմից բերման են ենթարկվել Թուրքիայի Հաթայ նահանգից:

Ըստ թուրքական աղբյուրի` Ռուսաստանի ԱԳՆ-ի հայտարարության մեջ մասնավորապես ասվել է. «Ոստիկանական բաժանմունք տեղափոխված նկարահանող խմբի անդամներին տեղեկացվել է, որ Թուրքիայի աշխատանքային օրենսգիրքը խախտելու համար արտաքսելու են երկրից: Չնայած Թուրքիայում մեր դեսպանատան միջամտությանը` թուրք իրավապահները չեն պարզաբանել, թե ինչ խախտում է տեղի ունեցել»:

Հայտարարության մեջ նշվում է նաև, որ արտաքսման պատճառը Անկարայի վախն է, որ ռուս լրագրողները Սիրիայի հետ սահմանային հատվածում կարող են նկարահանել մի շարք անօրինական գործողություններ:

Թուրքական լրատվամիջոցը նշում է նաև, որ ռուսական կողմն իր հայտարարության մեջ անընդունելի է որակել տեղի ունեցածը` ընդգծելով, որ պաշտոնական հաղորդագրություններում նշյալ եզրը կիրառելուց հետո սովորաբար ռուսները դիմում են պատասխան գործողությունների:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։