Տարածաշրջան09:43, 09 Դեկտեմբեր 2015
Դիարբեքիրում բախումները թեժացել են, հրկիզվել է 4 դպրոց
Դիարբեքիրի Սուր շրջանում բախումները թուրք ուժայինների հետ հաճախակիացել են: Սուրի 6 թաղամասում, 1 պողոտայում և Դաղքափը հրապարակում շարունակում է գործել պարետային ժամը (7-րդ օրն է):
Թուրքական «Doğan» լրատվական գործակալության տեղեկացմամբ՝ թուրք ուժայինները «Քուրդիստանի բանվորական կուսակցության» (PKK-ՔԲԿ) զինյալների փորած խրամատները փակելու և կազմած բարիկադները քանդելու ուղղությամբ աշխատանքներ է տանում: Սակայն ուժայինների այս գործողություններն ուղեկցվում են բախումներով, որոնք ժամանակ առ ժամանակ թեժանում են:
Նշվում է, որ կեսօրից հետո քաղաքի տարբեր շրջաններում հաճախակիացել են կրակոցի և պայթյունի ձայները: Բախումների ընթացքում զոհվել է 1 մարդ, թուրքական ոստիկանությունը վնասազերծել է 10 ՔԲԿ-ականի:
Բախումներ են եղել նաև քաղաքի կենտրոնական շրջաններում, երբ մի խումբ, որի մեջ եղել են նաև երեխաներ, փորձել է բարիկադներով փակել Էքինջիլեր պողոտան: Ոստիկանությունը խումբը ցրել է՝ կիրառելով արցունքաբեր գազ և ջրցան մեքենաներ:
Հրկիզվել է 4 դպրոց, որոնցից 3-ն այլևս պիտանի չէ շահագործման համար: Ըստ ոստիկանության հաղորդման՝ դպրոցները կրակի են տվել ՔԲԿ-ականները:
Այս ենթաբաժնի վերջին նորությունները
Էրդողանն ասել է, որ Թուրքիան կշարունակի հյուրընկալել բանակցությունները Ստամբուլում, երբ բանակցող կողմերը կորոշեն հարմար ժամկետներ։
Ահմեդ ալ-Շարան խոսել է Իսրայելի կողմից Դամասկոսի վրա իրականացրած օդային հարձակումներից։
Թուրքիայի նախագահը նշել է, որ շարունակում են աջակցել Հարավային Կովկասում կայուն խաղաղություն հաստատելու ջանքերին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |