Տարածաշրջան07:30, 08 Դեկտեմբեր 2015
Milliyet. Թուրքիայի ԱԳՆ-ն իջեցրել է Ռուսաստանի դեսպանի ընդունելության մակարդակը
Թուրքիայի արտաքին գործերի նախարարություն (ԱԳՆ) հրավիրված Ռուսաստանի դեսպան Անդրեյ Կարլովն ընդունվել է վարչության պետի մակարդակով: Ըստ թուրքական «Milliyet» թերթի կայքի` Ռուսաստանի դեսպանը Թուրքիայի ԱԳՆ-ի արարողությունների արձանագրության ցուցակում ներառված էր մեծ պետությունները ներկայացնող 5 ամենապատվելի դիվանագետների շարքում և սովորաբար ընդունվում էր նախարարի առաջին տեղակալի կողմից:
Կայքը նշում է, որ Ռուսաստանի դեսպանը հոկտեմբերի 3-ին և դրանից հետո տեղի ունեցած Թուրքիայի օդային սահմանների խախտումների, ինչպես նաև ռուսական ինքնաթիռի խոցման դեպքի առիթով ԱԳՆ հրավիրվելիս նույնպես ընդունվում էր առաջին փոխնախարարի մակարդակով:
Սակայն այս անգամ ռուսական ռազմանավի` Բոսֆորի նեղուցն անցնելու ժամանակ տեղի ունեցած միջադեպի առիթով արտգործանխարարություն կանչված ռուս դեսպանին ընդունել է արտգործնախարարության ծովագնացության, ավիացիայի և սահմանային վարչության պետ Բուրաք Օզուրգերգինը:
Թուրքական աղբյուրը մեջբերել է նաև հանդիպման վերաբերյալ ԱԳՆ-ի հայտարարության մեջ օգտագործված «Արտակարգ և լիազոր դեսպանի ընդունելությունը վարչության պետի կողմից» ձևակերպումը` նշելով, որ այս հանգամանքը հավելյալ ուշադրություն է հրավիրում ԱԳՆ-ի քայլի վրա:
Այս ենթաբաժնի վերջին նորությունները
Էրդողանն ասել է, որ Թուրքիան կշարունակի հյուրընկալել բանակցությունները Ստամբուլում, երբ բանակցող կողմերը կորոշեն հարմար ժամկետներ։
Ահմեդ ալ-Շարան խոսել է Իսրայելի կողմից Դամասկոսի վրա իրականացրած օդային հարձակումներից։
Թուրքիայի նախագահը նշել է, որ շարունակում են աջակցել Հարավային Կովկասում կայուն խաղաղություն հաստատելու ջանքերին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |