Թուրքիայի արտգործնախարարը սադրանք է որակել ռուս զինվորի քայլը

Տարածաշրջան07:54, 07 Դեկտեմբեր 2015

Թուրքիայի արտգործնախարարը սադրանք է որակել ռուս զինվորի քայլը

Թուրքիայի արտգործնախարար Մևլյութ Չավուշօղլուն լրագրողների հետ հանդիպման ժամանակ անդրադարձել է նախօրեին Բոսֆորի նեղուցով ռուսական ռազմանավի անցման ժամանակ ռուս զինվորի կողմից հրթիռով կրակի պատրաստ դիրք ընդունելու դեպքին:

«Այստեղ սադրանք կա: Ռուսական ռազմական ինքնաթիռների կողմից մեր սահմանի խախտումն այլ բան է, նեղուցներով ռուսական ռազմանավերի անցումը` բոլորովին այլ»:

Ըստ թուրքական «Haberturk» թերթի կայքի` Չավուշօղլուն, հիշեցրել է, որ նեղուցներով օտարերկրյա ռազմանավերի անցումը կարգավորվոuմ է Մոնտրյոյի համաձայնագրով` ավելացնելով, որ թուրքական կողմը համապատասխան միջոցներ կձեռնարիկի այն դեպքերում, երբ այդ անցումները վտանգ պարունակեն:

«Ռուսական ռազմանավի զինվորի կողմից հրթիռով կրակելու դիրք ընդունելը միայն սադրանք է»,- նշել է Թուրքիայի արտգործնախարարը:

Նշենք, որ Բոսֆորի նեղուցով ռուսական «Կեսար Կունիկով» ռազմանավի զինվորներից մեկն անցման ողջ ընթացքում ուսին «Стрела-2» զենիթահրթիռային համակարգ է պահել` կրակելու պատրաստ դիրքով:

Աղբյուր` Ermenihaber.am