Փարիզի գագաթնաժողովից հետո Թուրքիան կհրապարակի իր պատասխանը ռուսական պատժամիջոցներին

Տարածաշրջան07:35, 30 Նոյեմբեր 2015

Փարիզի գագաթնաժողովից հետո Թուրքիան կհրապարակի իր պատասխանը ռուսական պատժամիջոցներին

Այսօր՝ նոյեմբերի 30-ին Փարիզում տեղի կունենա կլիմայի փոփոխության հարցերով գագաթնաժողովը, որին, ի թիվս այլ առաջնորդների, մասնակցելու են Թուրքիայի նախագահ Ռեջեփ Թայիփ Էրդողանը և Ռուսաստանի նախագահ Վլադիմիր Պուտինը:

Թուրքական «Haberler.com» լրատվակայքի տեղեկացմամբ՝ թուրքական կողմը սպասում է նշյալ գագաթնաժողովի արդյունքներին, ռուսական ու թուրքական պատվիրակությունների միջև հնարավոր հանդիպումներին ու զարգացումներին: Միայն դրանից հետո Թուրքիան կպատասխանի Ռուսաստանի կողմից նախօրեին հրապարակված Թուրքիայի դեմ կիրառելիք 6 պատժամիջոցների ցանկին:

Ըստ աղբյուրի՝ Պուտինը հրաժարվել է Փարիզում հանդիպել Էրդողանի հետ, բայցևայնպես թուրքական կողմը հույս ունի, որ գագաթնաժողովի շրջանակներում երկու երկրների պատվիրակությունների միջև որոշակի քննարկումներ ու դրական զարգացումներ կարող են լինել:

Նշվում է նաև, որ Թուրքիայի պատասխան քայլը ռուսական պատժամիջոցներին արդեն նախապատրաստված և մշակված է, սակայն նպատակահարմար է համարվել այն հրապարակել Փարիզի գագաթնաժողովից հետո միայն:

Հիշեցնենք, որ նոյեմբերի 28-ին Ռուսաստանի նախագահը ստորագրել էր Թուրքիայի դեմ ուղղված պատժամիջոցների փաթեթը՝ «Ռուսաստանի ազգային անվտանգության, քաղաքացիների պաշտպանության ապահովման և Թուրքիայի դեմ ուղղված տնտեսական պատժամիջոցների» մասին:

Փաթեթը մասնավորապես ներառում է հետևյալ կետերը՝

1. Կարգելվի Ռուսաստանի տարածքում այն ընկերությունների և կազմակերպությունների գործունեությունը, որոնց գործունեության ոլորտը այս կամ այն կերպ առնչվում է անվտանգության համակարգի հետ, եթե այդ ընկերությունների կենտրոնը գտնվում է Թուրքիայում ու ենթարկվում տեղի օրենքերին:

2. 2016թ. հունվարի 1-ից կարգելվի Ռուսաստանում աշխատանքի ընդունել Թուրքիայի քաղաքացիներին: Ընդ որում Թուրքիայի այն քաղաքացիները, որոնք գործատուի հետ պայմանգրեր կկնքեն մինչև 2015թ. դեկտեմբերի 31-ը, իրավունք կունենան շարունակելու աշխատանքը:

3. Կարգելվի Թուրքիայում արտադրված որոշ ապրանքատեսակների մուտքը Ռուսաստան: Արգելվող ապրանքատեսակների ցուցակն ավելի ուշ կհրապարակվի Ռուսաստանի կառավարության կողմից:

4. Ռուսաստան ապրանք ներմուծող տրանսպորտային միջոցները խիստ վերահսկողության և ստուգումների կենթարկվեն: Միաժամանակ ռուսական տուր-օպերատրները պետք է խուսափեն դեպի Թուրքիա փաթեթների վաճառքից:

5. Երկու երկրների միջև կարգելվեն բոլոր չարտերային չվերթները:

6. 2016թ. հունվարի 1-ից կդադարեցվի Ռուսաստանի և Թուրքիայի միջև գործող առանց անցագրի ռեժիմը: Ռուսաստանի ազգային անվտանգությունն ապահովելու նպատկով կուժեղացվի անվտանգության վերահսկողությունը Սև և Ազովի ծովերի բոլոր նավահանգիստներում:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։