Քաղաքական09:18, 30 Նոյեմբեր 2015
Էրդողանը Ղազախստանի նախագահին հայտնել է, որ պատրաստ է հանդիպել Պուտինի հետ
Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Ղազախստանի նախագահ Նուրսուլթան Նազարբաևի հետ: Ըստ թուրքական «Haberler.com» լրատվակայքի՝ Էրդողանի նախաձեռնությամբ տեղի ունեցած հեռախոսազրույցի ընթացքում, բացի Թուրքիայի և Ղազախստանի փոխարաբերություններին վերաբերող հարցերից, քննարկվել են նաև ռուսական խոցված ինքնաթիռին վերաբերող մանրամասներ:
Ըստ աղբյուրի՝ Թուրքիայի նախագահը Նազարբաևին տեղեկացրել է, որ պատրաստ է հնարավորիս շուտ հանդիպելու Ռուսաստանի նախագահ Վալդիմիր Պուտինի հետ:
Զրույցի ընթացքում Ղազախստանի նախագահը ընդգծել է, որ Ռուսաստանի և Թուրքիայի միջև ստեղծված իրավիճակը անհանգստության տեղիք է տալիս և առաջարկել է ստեղծել հատուկ հանձնաժողով՝ ռուսական ռազմական ինքնաթիռի խոցման մանրամասները պարզաբանելու և իրավիճակին լուծում գտնելու համար:
Նազարբաևը նաև հիշեցրել է, որ ռուս–թուրքական հարաբերությունները երկար տարիների աշխատանքի արդյունք են ու ամուր հիմքեր ունեն և շեշտել, որ անհրաժեշտ է քայլեր ձեռնարկել՝ այդ հարաբերությունները պահպանելու համար: Ստեղծված իրավիճակի հարթման նպատակով, ըստ ղազախ առաջնորդի, երկու կողմերն էլ պետք է բաց լինեն դիվանագիտական շփումների համար :
Նշենք, որ Նուրսուլթան Նազարբաևը աշխարհի 10 ամենաակտիվ քաղաքական առաջնորդների թվին է պատկանում: Նա հայտնի է Պուտինի հետ իր սերտ կապերով: Որոշ ժամանակ առաջ Ղազախստանի նախագահը ստանձնել էր Ռուսաստանի, Ղրիմի , Ուկրաինայի և ԱՄՆ-ի միջև միջնորդի դեր կատարելու պարտականությունը:
Այս ենթաբաժնի վերջին նորությունները
Դաշինքի գլխավոր քարտուղարն այս առիթով Թուրքիային ուղղված շնորհակալական հայտարարություն է հրապարակել:
Օրակարգում են եղել տարածաշրջանային զարգացումներն ու երկկողմ նշանակության հարցերը։
Նախագահները քննարկել են երկկողմ հարաբերությունները, Ուկրաինայում և Սիրիայում տիրող իրավիճակը, ինչպես նաև տարածաշրջանային և գլոբալ հարցեր։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի տարածքային ենթակառուցվածքների նախարարը հաղորդագրություն է տարածել։
Բեյշեհիր լիճն աստիճանաբար վերածվում է խոշոր եղջերավոր կենդանիների արոտավայրի։
Ստամբուլում ծնված Հայկո Ջեփքինը կմասնակցի Էսքիշեհիր քաղաքում անցկացվելիք «Gastro Fest»-ին:
Ջրի պաշարները հաշվարկվում են մոտավորապես մինչև 35 օր: Քաղաքապետը կոչ է արել խիստ խնայողաբար օգտագործել այն:
Մարդիկ Թուրքիայում աշխատում են շաբաթական միջինում 45.6 ժամ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |