Տնտեսական09:47, 27 Նոյեմբեր 2015
Milliyet. «Քրդական գազը այլընտրանք կլինի ռուսականին»
Հյուսիսային Իրաքի քրդական ինքնավարությունը պատրաստվում է դառնալ բնական գազի մատակարարներից մեկը տարածաշրջանում: Թուրքական «Milliyet» թերթի տեղեկացմամբ՝ այս մասին հայտնել է քրդական ինքնավարության խորհրդարանի էներգետիկայի հարցերով հանձնաժողովի անդամ Բեյար Դոսքին:
Վերջինս նշել է, որ քրդական ինքնավարությունը մոտ ապագայում գազի արտահանմամբ մուտք կգործի համաշխարհային շուկա և իր տեղը կգտնի աշխարհի էներգետիկ քարտեզում:
Թուրքական թերթը ուշադրություն է հրավիրում այն հանգամանքին վրա, որ այս լուրը հրապարակվել է ռուս-թուրքական հարաբերությունների սրումից հետո, երբ քննարկվում է, թե արդյոք Ռուսաստանը կդադարեցնի ռուսական գազի մատակարարումը Թուրքիա: Նշվում է, որ այս լուրը կնվազեցնի ռուսական գազի նկատմամբ Թուրքիայի պահանջարկը:
Թերթը հիշեցնում է, որ 1 շաբաթ առաջ Ստամբուլում կազմակերպված Ատլանտյան խորհրդի էներգետիկ և տնտեսական վեհաժողովին մասնակցել է քրդական ինքնավարության բնական ռեսուրսների նախարար Աշթի Հավրամին: Նա վեհաժողովի ժամանակ հայտնել էր, որ բնական գազը Թուրքիա արտահանելու հարցում անհանգստանալու կարիք չկա, քանի որ Թուրքիան ունի անհրաժեշտ ենթակառույցները:
Հյուսիային Իրաքից գազի արտահանմամբ զբաղվող «Genel Enerji» կազմակերպության նախագահ Թոնի Հեյուարդը, տեղեկացնելով, որ այդ տարածքում հնարավոր է 5 տրլն խմ գազ արդյունահանել, ասել է. «Այս քանակը բավական կլինի առաջիկա 50 տարում Թուրքիայի բոլոր պահանջներն ապահովելու համար: Այսպիսով՝ Թուրքիան կազատվի ինչպես գազի հիմնական մատակարարներ Ռուսաստանի և Իրանի կախվածությունից, այնպես էլ գազը ձեռք կբերի ավելի մատչելի սակագնով»:
Այս ենթաբաժնի վերջին նորությունները
Կարսում կազմակերպված «Սահմանակից նահանգների տնտեսական ֆորում»-ին ներկա է գտնվել նաև Թուրքիայում Ադրբեջանի դեսպան Ռաշադ Մամեդովը։
Թուրքիայի Էներգետիկայի և բնական պաշարների նախարարն արձագանքել է իրանական գազի ներկրման մասին մտահոգիչ խոսակցություններին։
Իրանի և Իսրայելի ֆոնդային բորսաներում ևս զգալի անկում է նկատվում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թերթի խմբագիր Տանձիկյանը ներկայացնում է, թե որը կարող է լինել այս «աշխատանքային այցի» օրակարգը, հատկապես, երբ տարածաշրջանը կրկին պատերազմի մեջ է Իրանի վրա Իսրայելի հարձակման պատճառով:
Նիկոլ Փաշինյանը հանդիպում կունենա տեղի հայ համայնքի ներկայացուցիչների հետ։
Աբբաս Արաղչին Ստամբուլում կմասնակցի «Իսլամական համագործակցություն» կազմակերպության անդամ երկրների արտգործնախարարների խորհդի նիստին:
Թուրքիայի պաշտպանության նախարար Յաշար Գյուլերը մասնակցել է Ադրբեջանի զինված ուժերի օրվա կապակցությամբ Անկարայում կազմակերպված ընդունելությանը։
Թուրքիայի նախագահ Ռեջեփ Թայիփ Էրդողանն և Ադրբեջանի նախագահ Իլհամ Ալիևը մասնակցել են Քահրամանմարաշում «Ադրբեջանական թաղամաս» համալիրի բացմանը Էրդողանը ելույթն ավարտել է քահարամանմարաշցի բան
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |