Ռուսաստանը թուրք գործարարներին մուտքի արտոնագիր չի տվել

Տարածաշրջան08:15, 26 Նոյեմբեր 2015

Ռուսաստանը թուրք գործարարներին մուտքի արտոնագիր չի տվել

Սիրիայի օդային տարածքում ռուսական կործանիչի խոցումից հետո ծագած ոուս-թուրքական ճգնաժամի պատճառով Ռուսաստանն արգելում է թուրք գործարարների մուտքը երկիր:

Թուրքական «Aksam» թերթի փոխանցմամբ՝ երեկ շրջագայության նպատակով Մոսկվա մեկնած և մեծամասամբ գործարարներից բաղկացած թուրք ուղևորներինչ չի տրվել Ռուսաստան մուտքի արտոնագիր: Պատճառաբանվել է, որ նրանք խախտել են կանոնակարգը: Արդյունքում հետ են ուղարկվել: Ռուսաստան կարող են այցելել միայն բնակության կամ աշխատանքի իրավունք ունեցող թուրքերը:

Ստամբուլի տեքստիլ և հագուստ արտահանողների միության նախագահ Հիքմեթ Թանրըվերդին ասել է, որ իր ստացած տեղեկությունների համաձայն, Ռուսաստան մեկնած որոշ թուրք գործարարներ չեն կարողացել մուտք գործել Թուրքիա, իսկ մի մասն էլ ստիպված է եղել ժամերով սպասել օդանավակայանում:

Երեկ Մոսկվայից Ստամբուլ վերադարձած Մեհմեթ Շերիֆ Յըլդըզը պատմում է, որ Ռուսաստան էր մեկնել 3 օր առաջ հարսանիքի մասնակցելու նպատակով, և հետդարձին անձնագիրի ստուգումը տևել է ավելի երկար, քան նախկինում: «Վերադառնալի մեզ համար դժվարություններ ստեղծեցին: Մեր անձնագրերը վերցնելով՝ մեզ դուրս արեցին և սպասեցրեցին՝ ասելով, թե խնդրիներ են առաջացել»,-պատմել է Յըլդըզը:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։