Տարածաշրջան08:39, 26 Նոյեմբեր 2015
Չավուշօղլուն և Լավրովը ռուսական խոցված ինքնաթիռի վերաբերյալ հեռախոսազրույց են ունեցել
Թուրքիայի արտգործնախարար Մևլութ Չավուշօղլուն հեռախոսազրույց է ունեցել իր ռուս պաշտոնակից Սերգեյ Լավրովի հետ: Թուրքական «Haber.star.com» լրատվակայքի տեղեկացմամբ՝ Չավուշօղլուն Լավրովին մանրամասներ է հայտնել դեպքի վերաբերյալ և իր ցավակցությունները հղել՝ օդաչուների մահվան կապակցությամբ:
Ռուսաստանի Դաշնության (ՌԴ) արտգործնախարարը, լրագրողների հետ զրույցում անդրադառնալով Չավուշօղլուի հեռախոսազրույցին, նշել է.«Մենք իրականում ավելի բարձրաստիճան թուրք պաշտոնյայի զանգին և մեկնաբանություններին էինք սպասում: Բայց լավ է ուշ, քան երբեք»:
Լավրովն ընդգծել է,որ Ռուսաստանը Թուրքիայի հետ պատերազմի չի պատրաստվում, բացի այդ, թուրք ազգի նկատմամբ Ռուսաստանի դիրքորոշումն ու վերաբերմունքը չեն փոխվել: «Սակայն ինքնաթիռի խոցումից հետո մենք լրջորեն կվերանայենք մեր հարաբերությունները Թուրքիայի հետ: Մենք խիստ կասկածում ենք, թե ինքնաթիռը խոցելիս այն չեն ճանաչել: Սա ավելի շատ նման է ծրագրված սադրանքի», - նշել է ՌԴ արտգործնախարարը:
«Այն շրջանում, որտեղ խոցվել է ռուսական ինքնաթիռը, ոչ միայն զինյալներ կան, այլև ահաբեկիչների բազաներն են գտնվում: Ես հարցրեցի Թուրքիայի արտգործնախարարին, թե արդյոք Թուրքիան ջանում է պաշտպանել այն հողերը, որտեղ սիրիական զինյալների բազաներն են գտնվում: Թուրքիայի արտգործնախարարը ոչինչ չպատասխանեց»,- ավելացրել է Լավրովը:
Իսկ Թուրքիայի ԱԳՆ խոսնակ Թանժու Բիլգիչը տեղեկացրել է, որ հեռախոսազրույցի ընթացքում երկու նախարարները համաձայնության են եկել առաջիկայում հանդիպելու վերաբերյալ: Հանդիպումը կկայանա Բելգրադում դեկտեմբերի 3-4-ին կայանալիք ԵԱՀԿ նիստի շրջանակներում:
Այս ենթաբաժնի վերջին նորությունները
Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը:
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Երկրաշարժը տեղի է ունեցել առավոտյան ժամը 8։24-ի սահմաններում:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։
Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։
Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Մոշե Էլադը նշել է, որ հնարավոր հարձակման դեպքում չկա որևէ երաշխիք, որ ՆԱՏՕ-ն անվերապահորեն կաջակցի Թուրքիային։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |