Տարածաշրջան09:56, 26 Նոյեմբեր 2015
Թուրք փորձագետի կարծիքով Ռուսաստանը չի դադարեցնի էներգետիկ նախագծերը Թուրքիայի հետ
Ռուս-թուրքական ճգնաժամի տնտեսական հնարավոր հետևանքներին է անդրադարձել թուրքական «Քաղաքական, տնտեսական և հասարակական ուսումնասիրությունների հիմնադրամի» (SETA) տնտեսական հարցերով փորձագետ, պրոֆեսոր Էրդալ Թանաս Քարագյոլը: Նա մասնավորապես գնահատել է ռուս-թուրքական հարաբերություններում առաջացած լարվածության հնարավոր ազդեցությունները ընդհանուր էներգետիկ նախագծերի վրա:
Քարագյոլը ուշադրություն է հրավիրել այն հանգամանքի վրա, որ երկու երկրները պատմության ընթացքում բազմաթիվ հարցերում են տարբեր դիրքորոշումներ ունեցել, ինչի հետևանքով երկկողմ հարաբերություններում բազմաթիվ ճգնաժամներ են գրանցվել:
«Երբ դիտարկում ենք քաղաքական տարաձայնությունները, տեսնում ենք, որ դրանք չեն ազդում Ռուսաստանի հետ էներգետիկ համագործակցության վրա: Թուրքիան Գերմանիայից հետո ամենամեծ շուկան է Ռուսաստանի համար: Այսինքն` Ռուսաստանն էլ Թուրքիայի շուկային է կապված»,- նշել է Քարագյոլը:
Թուրք փորձագետը հավանական չի համարել այն սցենարը, որ լարվածության հետագա աճի հետևանքով Ռուսաստանը կդադարեցնի Թուրքիայի գազամատակարարումը:
«Թուրքական հոսք նախագիծը, որն ապահովելու է Թուրքիայի տարածքով ռուսական գազի տարանցումը դեպի եվրոպական երկրներ, առաջին պլան է մղում Թուրքիային: Հավանական չէ, որ այնպիսի նախագծերը, ինչպիսիք են «Թուրքական հոսքը» և Աքքույուի ատոմակայանի կառուցումը, կասեցվեն»,- նշել է Քարագյոլը:
Ընդգծվում է այն հանգամանքը, որ Թուրքիայի սպառած տարեկան 50մլրդ խմ գազի մոտ 55%-ը մատակարարվում է Ռուսաստանի կողմից, իսկ «Ռոսատոմի» կողմից կառուցվող Աքքույուի ատոմակայանի նախագծում Ռուսաստանն արդեն 3 մլրդ դոլարի ներդրում է կատարել:
Այս ենթաբաժնի վերջին նորությունները
Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը:
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Երկրաշարժը տեղի է ունեցել առավոտյան ժամը 8։24-ի սահմաններում:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։
Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։
Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Մոշե Էլադը նշել է, որ հնարավոր հարձակման դեպքում չկա որևէ երաշխիք, որ ՆԱՏՕ-ն անվերապահորեն կաջակցի Թուրքիային։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |