Քաղաքական13:12, 26 Նոյեմբեր 2015
Էրդողան. «Եթե նմանատիպ խախտում այսօր էլ լինի, Թուրքիան նույն կերպ կպատասխանի»
Թուրքիայի նախագահ Ռեջեփ Թայիփ Էրդողանն այսօր տեղական ինքնակառավարման մարմինների ղեկավարների հետ հանդիպման ժամանակ անդրադարձել է Թուրքիայի օդուժի կողմից ռուսական SU-24 ռազմական ինքնաթիռի խոցման թեմային:
Ըստ թուրքական «sondakika.com» լրատվական կայքի` ի պատասխան Պուտինի այն հայտարարությանը, թե Ռուսաստանը պատասխան կտա, եթե ևս մեկ անգամ նման դեպք կրկնվի, Էրդողանն ասել է, որ եթե նույն խախտումն այսօր էլ կատարվի, Թուրքիան նույն կերպ կվարվի:
Էրդողանը կրկին նշել է, որ խոցելուց հետո են պարզել, թե ինքնաթիռը որ երկրին է պատկանում:
«Մենք սահմանի խախտումներին պատասխանում ենք դրանց համար նախատեսված կանոնների համաձայն: Դա ավտոմատ ռեակցիա է, ինչի համար վաղուց է թույլտվությունը տրված է: Նախկինում էլ ենք այսպիսի դեպքերի հետ առնչվել: Չնայած զգուշացումներին` անհայտ պատկանելության ինքնաթիռը շարունակել է խախտումները, ինչի համար էլ ըստ սահմանված կանոնների, ձեռնարկվել են անհրաժեշտ միջոցներ: 5 րոպեի ընթացքում 10 զգուշացում է կատարվել, որոնց ձայնագրությունները հեռարձակվել են հեռուստատեսությամբ: Հետո է պարզվել, թե ինքնաթիռը որ երկրին է պատկանում: Այդ դեպքը մեզ էլ է վշտացրել»,- նշել է Էրդողանը:
Վերջինս նաև նկատել է տվել, որ իրենք ամենասկզբից ամեն ինչ արել են, որպեսզի որևէ զոհ չլինի, ինչին հակառակ ռուսական կողմից թեմայի հետ կապ չունեցող արձագանքների են ականատես լինում:
«Մենք Ռուսաստանի հետ ռազմավարական գործընկերություն ունենք: Տարածաշրջանում նոր լարվածություն չենք ուզում ստեղծել: Մենք Ռուսաստանին որպես թիրախ ընտրելու պատճառ չունենք: Սիրիայի հարցում Ռուսաստանի հետ ունեցած մեր անհամաձայնությունը այլ բան է, սահմանի խախտման հետ կապված անհրաժեշտ միջոցներ ձեռնարկելը` բոլորովին այլ: Նույն խախտումն այսօր լինի, Թուրքիան կրկին նույն պատասխանը կտա»,- շեշտել Թուրքիայի նախագահը:
Այս ենթաբաժնի վերջին նորությունները
Օրակարգում եղել է Պաղեստինի Գազայի հատվածում տիրող իրավիճակը, ինչի շրջանակներում թուրք նախարարը կրկնել է Թուրքիայի աջակցությունը Պաղեստինին:
Էրդողանը նախագահականում ընդունել է Վրաստաի նախագահ Իրակլի Կոբախիձեին և նրա գլխավորած պատվիրակությանը:
Էրսին Թաթարն իր ելությում կրկնել է վերջերս բարձրաձայնված «1 ազգ, 3 պետություն» եզրույթը՝
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Բյուլենթ Յըլդըրըմի պնդմամբ՝ Ադրբեջանը Ջեյհան խողովակաշարով վառելիք է ուղարկել իսրայելական ինքնաթիռներին։
Միթաթ Չելիքփալան կարծիք է հայտնել թուրքական ընդդիմադիր «Cumhuriyet» թերթին:
Էրդողանը պարտվել է Սերբիայում, որտեղ հաղթել է ՌԴ նախագահ Վլադիմիր Պուտինը՝ հավաքելով՝ 80% ձայն։
Ռուսաստանը թուրքական նավահանգիստների միջոցով վառելիքի վաճառքից ստացել է մոտ 3 մլրդ եվրո։
Իզմիրի նահանգապետարանը քառօրյա ժամկետով արգելել է ցույցեր ու բողոքի ակցիաներ կազմակերպելը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |