Թուրքմեն հրամանատարը շնորհակալություն է հայտնել Թուրքիային ռուսական ինքնաթիռը խոցելու համար

Տարածաշրջան08:52, 25 Նոյեմբեր 2015

Թուրքմեն հրամանատարը շնորհակալություն է հայտնել Թուրքիային ռուսական ինքնաթիռը խոցելու համար

Սիրիայում կռվող թուրքմեն զինյալները շնորհակալություն են հայտնել Թուրքիային ռուսական SU-24 ռազմական ինքնաթիռը խոցելու համար:

Ըստ թուրքական «f5haber.com» լրատվական կայքի` զինյալները ցուցադրել են SU-24-ի` կատապուլտ եղած օդաչուի իրերը և ուրախության բացականչություններով հաղթանակ տոնել:

Թուրքմեն զինյալների հրամանատարներից Մուհամմեդ Աբդուլահը շնորհակալություն է հայտնել Թուրքիային՝ ասելով, որ իրենք միշտ զգացել են Թուրքիայի աջակցությունը և օգնությունը:

Վերջինս հայտարարել է նաև, որ իրենք հետ են գրավել Քըզըլդաղի բարձունքը և կարողացել առաջ շարժվել Քեսաբի ուղղությամբ:

Նշենք, որ ռուսական ինքնաթիռը ընկել է Սիրիայի Թուրքմենդաղի շրջանում, որտեղ հիմնականում թուրքմեններ են բնակվում: Ինքնաթիռը թռչելիս է եղել Սիրիայի Յամադի գյուղի վրայով: Թուրքական աղբյուրների պնդմամբ ինքնթիռը իբր խախտել էր Թուրքիայի օդային սահմանը: Մինչդեռ Ռուսաստանի պաշտպանության նախարարությունը, հաստատելով ռուսական SU-24 ռազմական ինքնաթիռի կործանման փաստը, հայտարարել է, որ ինքնաթիռը չի խախտել Թուրքիայի օդային տարածքը։

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։