Քաղաքական10:10, 17 Նոյեմբեր 2015
Էրդողանն Օբամայի մոտ բարձրացրել է Գյուլենի արտահանձման հարցը
Թուրքիայի Անթալիա քաղաքում տեղի ունեցած G20 գագաթնաժողովի շրջանակներում Ռեջեփ Թայիփ Էրդողանը և ԱՄՆ-ի նախագահ Բարաք Օբաման քննարկել են ԱՄՆ-ի Փենսիլվանիա նահանգում բնակվող իսլամի քարոզիչ Ֆեթուլահ Գյուլենի արտահանձման հարցը: Ինչպես փոխանցում է թուրքական «haber7» լրատվակայքը, երկու նախագահների հանդիպումը կայացել է գագաթնաժողովի առաջին իսկ օրը, երբ օրակարգում է եղել ահաբեկչության դեմ պայքարին առնչվող հարցեր:
Ավելի քան մեկուկես ժամ տևած առանձնազրույցի ժամանակ, Էրդողանը նշելով, որ Գյուլենը մեծ վնաս է հասցնում Թուրքիային, հավելել է, որ այժմ նախ անհրաժեշտ է չեղարկել ԱՄՆ-ում նրա բնակվելու թույլատրությունը, ապա՝ արտահանձնել Թուրքիային: Օբամայի պատասխանի մասին ոչինչ առայժմ չի հաղորդվում:
Թուրքական աղբյուրը նշում է, որ Էրդողանը և Օբաման քննարկել են նաև «Քուրդիստանի բանվորական կուսակցության» (ՔԲԿ-PKK) հարցը, ինչպես նաև «Իսլամական պետություն» (ԻՊ) ահաբեկչական կազմակերպության խնդիրը:
Ոչ վաղ անցյալում Թուրքիայի վարչապետ Ահմեթ Դավութօղլուն, հանդիպելով Գերմանիայի կանցլեր Անգելա Մերկելի հետ, կրկին արտահանձման հարց էր բարձրացրել՝ կապված Թուրքիայից ճողոպրած դատախազներ Զեքարիա Օզի և Ջելալ Քարայի հետ, որոնք հետախուզման մեջ էին գտնվում:
Հիշեցնենք, թուրքական մամուլում շրջանառվում էին լուրեր, ըստ որի` դատախազները Թուրքայից փախել են Վրաստան, ապա՝ Հայաստան, իսկ այնուհետև՝ Գերմանիա: Սակայն ՀՀ ԱԱԾ-ն հերքել էր դա:
Այս ենթաբաժնի վերջին նորությունները
Ըստ թուրքական լրատվամիջոցի՝ PKK-ի հիմնադիր առաջնորդ Աբդուլլահ Օջալանի հետագա դերն ու կարգավիճակը կարող են զարգանալ 3 սցենարով։
Թուրքիայի նախագահը մայիսի 12-ին հեռախոսազրույց է ունեցել Ուկրաինայի նախագահի հետ:
Մայիսի 12-ին Հաքան Ֆիդանը հեռախոսազրույց է ունեցել Մարկո Ռուբիոյի հետ:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ըստ թուրքական լրատվամիջոցի՝ PKK-ի հիմնադիր առաջնորդ Աբդուլլահ Օջալանի հետագա դերն ու կարգավիճակը կարող են զարգանալ 3 սցենարով։
Այդ մասին հայտարարվել է «Քուրդիստանի բանվորական կուսակցությունը» մայիսի 5-ից 7-ը գումարված 12-րդ կոնգրեսի որոշումների հիման վրա։
Նշվում է, որ հնարավոր այցը կապված է Նիկեայի 1-ին տիեզերական ժողովի 1700-ամյակի հետ:
Ի պատասխան Պակիստանին ցուցաբերած ակնհայտ աջակցության՝ հնդիկները բոյկոտ են սկսել Թուրքիայի դեմ:
Փորձագետները զգուշացնում են, որ Թուրքիային F-35-ներով զինելու հանգամանքը կարող է խախտել ռազմական բալանսը տարածծաշրջանում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |