Տարածաշրջան08:24, 14 Նոյեմբեր 2015
Թուրքիայի Նուսայբին շրջանում պարետային ժամ հայտարարվելուց հետո բախումներ են սկսվել
Թուրքիայի Մարդին նահանգի Նուսայբին (պատմ. Մծբին) շրջանում նահանգապետարանի կողմից երեկ երեկոյան 21:00-ից սկսված պարետային ժամ է հայտարարվել: Ըստ թուրքական «mynet.com» լրատվական կայքի` պարետային ժամի ուժի մեջ մտնելուց անմիջապես հետո շրջանի տարբեր թաղամասերում բախումներ են սկսվել թուրք ուժայինների և «Քուրդիստանի բանվորական կուսակցության» (ՔԲԿ-PKK) զինյալների միջև:
Տարածված պաշտոնական հայտարարության մեջ նշվել է, որ բնակչության փողոց դուրս գալն արգելող պարետային ժամը հայտարարվում է երկրում ահաբեկչական համարվող PKK-ի անդամների դեմ իրականացվող գործողության ժամանակ բնակչության կյանքի և գույքի անվտանգությունն ապահովելու նպատակով:
Աղբյուրը նշում է, որ քաղաքի բնակչությունը, լսելով պարետային ժամի մասին նախօրոք արված հայտարարություները, շտապել է խանութներ` մի քանի օրվա սննդի պաշար գնելու: Բնակչության որոշ մասն էլ լքել է տները` մինչև բախումների ավարտը ապաստան փնտրելով այլ շրջաններում:
Նշենք, որ Դիարբեքիր նահանգի Սիլվան շրջանում էլ արդեն 12 օր շարունակվող պարետային ժամն ուղեկցվում է արյունալի բախումներով, ինչի հետևանքով զոհեր են գրանցվել և՛ քուրդ զինյալների, և՛ թուրք զինվորականների ու ոստիկանների կողմից:
Այս ենթաբաժնի վերջին նորությունները
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։
«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |