Տարածաշրջան07:12, 14 Նոյեմբեր 2015
Էրդողանը ցավակցական ելույթ է ունեցել Փարիզի ահաբեկչության առիթով
Թուրքիայի նախագահ Ռեջեփ Թայիփ Էրդողանը երեկ երեկոյան Փարիզում տեղի ունեցած ահաբեկչությունների առիթով ելույթ է ունեցել` իր և թուրք ժողովրդի անունից ցավակցություններ հղելով Ֆրանսիայի նախագահ Ֆրանսուա Օլանդին և Ֆրանսիայի ժողովրդին:
Ըստ «CNN Turk»-ի` Էրդողանը նշել է, որ իրենք բազմիցս հայտարարել են, որ միջազգային հանրությունը պետք է ընդհանուր պայմանավորվածության գա ահաբեկչության դեմ պայքարի հարցում:
«Ուզում եմ հիշեցնել, որ մենք արդեն ապրում ենք այնպիսի ժամանակահատվածում, երբ ահաբեկչության դեմ պայքարը պետք է դիտարկվի առաջին պլանում»:
Թուրքիայի նախագահը նշել է նաև, որ Փարիզի դեպքերի առիթով իրենք նույն զգացողություններն ունեն, ինչը զգում էին Անկարայի, Սուրուչի, Այնթապի, Դիարբեքիրի ու Շըրնաքի ահաբեկչությունների ժամանակ:
Հիշեցնենք, որ նոյեմբերի 13-ին ահաբեկիչները Ֆրանսիայի մայրաքաղաքում իրականացրել են գրեթե միաժամանակյա 6-7 ահաբեկչական գործողություն: Ահաբեկչությանը նախնական տվյալներով զոհ է գնացել մոտ 150 խաղաղ բնակիչ: Ահաբեկչությունների պատասխանատվությունը ստանձնել է «Իսլամական պետություն» (ԻՊ) խմբավորումը:
Ահաբեկչական հարձակումներ ու պայթյուններ տեղի են ունեցել Ֆրանսիայի Ազգային մարզադաշտում (Stade de France), Փարիզի Բատակլան թատրոնում, Փարիզի առնվազն երկու սրճարաններում:
Նախագահ Օլանդը հայտարարել է արտակարգ դրություն, փակվել են երկրի սահմանները:
Այս ենթաբաժնի վերջին նորությունները
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։
«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |