Մշակութային10:11, 13 Նոյեմբեր 2015
Թուրքիայում վավերագրական ֆիլմ է նկարահանվում Դերսիմի հայերի կոտորածների մասին
Թուրքիայում վավերագրական ֆիլմ է նկարահանվում՝ Դերսիմի Վանք գյուղի հայերի՝ 1937-38թթ. կոտորածների մասին: Ըստ «Özgur Gündem» թերթի կայքի տեղեկատվության՝ վավերագրական ֆիլմը կոչվում է «Վանքի երեխաները» և պատմում է Վանք գյուղի, այնտեղ բնակվող հայերի ու նրանց դաժան ճակատագրերի, տեղի պատմական հայկական վանական համալիրի մասին, որը ռմբակոծվել և ավերվել է 1938-ին: Ֆիլմի ռեժիսորը Նեզահաթ Գյունդողանն է: Ֆիլմում ներկայացված է նաև երեք տարբեր ազգերի և տարբեր կրոնների պատկանող երեք եղբայրների պատմությունը: Եղբայրներից ամեն մեկը ճակատագրի բերումով ապրել է տարբեր ինքնություններով՝ որպես հայ, թուրք և քուրդ: Նրանցից մեկը քրիստոնյա է, մյուսը՝ մուսուլման, երրորդը՝ ալևի: Այս պատմությունն իր ցուցադրում է Դերսիմի կոտորածների ողջ դառնությունը:
Լրագրողների հետ զրույցում ֆիլմի ռեժիսորը նշել է, որ Վանք գյուղն ու դարեդար այնտեղ բնակված հայերի պատմությունները բացահայտել է պատահաբար, երբ «Դերսիմի կորած աղջիկները» ծրագրի շրջանակներում որոնելիս է եղել դերսիմցի մի կորած հայ աղջկա ազգականներին:
Գյունդողանն ընդգծել է, որ հայերը Դերսիմի դարավոր բնակիչներն են եղել, սակայն այսօր այդ բնակավայրում հայեր գրեթե չկան: Բոլորը հեռացել են, բնակություն հաստատել Թուրքիայի կամ աշխարհի տարբեր ծայրերում:
Ըստ ռեժիսորի՝ «Վանքի երեխաները» ֆիլմի նպատակն է ցույց տալ 1938թ. տեղի ունեցած դժբախտությունները, թուրքական պետության վարած մարդասպան և ասիմիլացիոն քաղաքականությունը, ինչպես նաև պետությանն ու հանրությանը ստիպել առերեսվել անցյալի հետ:
Վավերագրական ֆիլմի ցուցադրությունը նախատեսված է 2016 թվականին:
Այս ենթաբաժնի վերջին նորությունները
Ուղուրջան Բալ. «Չնայած Հայաստանը տարածքով փոքր է, բայց խոր արմատներ ունեցող իր պատմությամբ աշխարհի ամենահին քաղաքակրթություններից մեկն է»։
Ստեղծագործության տեսահոլովակը նկարահանվել է Ստամբուլի Բեշիքթաշի Սուրբ Աստվածածին հայկական եկեղեցում:
Պատարագի մատուցման նախապատրաստական աշխատանքներն ընթացքի մեջ են։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։
Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։
Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Մոշե Էլադը նշել է, որ հնարավոր հարձակման դեպքում չկա որևէ երաշխիք, որ ՆԱՏՕ-ն անվերապահորեն կաջակցի Թուրքիային։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |