Քաղաքական10:53, 10 Նոյեմբեր 2015
ԵՄ-ն ազդարարել է Թուրքիայում մարդու իրավունքների անկումային վիճակի մասին
Եվրամիության (ԵՄ) հանձնաժողովի կողմից Թուրքիայի վերաբերյալ ամեն տարի հրապարակվող հաշվետվության տեքստը հասանելի է դարձել լրատվամիջոցներին: «Deutsche Welle»-ի թուրքական ծառայության տեղեկացմամբ՝ հաշվետվության մեջ ընդգծվում է, որ Թուրքիայում մարդու հիմնարար իրավունքների, մասնավորապես՝ խոսքի և հանրահավաքների ազատության պահպանման հարցում լուրջ հետընթաց է գրանցվել: Ըստ ԵՄ հանձնաժողովի՝ թուրքական կառավարության մեղքով դանդաղեցվում է բարեփոխումների գործընթացը Թուրքիայում:
Հաշվետվությունում մտահոգիչ են համարվել գրողների, լրագրողների և լրատվամիջոցների վերաբերյալ հարուցվող հետաքննությունները: Ընդգծվել է նաև, որ Թուրքիայում կամայական ձևով են մեկնաբանվում և կիրառվում ցույցերի և երթերի վերաբերյալ օրենքի դրույթները:
ԵՄ հանձնաժողովը իր տարեկան հաշվետվությունում կոչ է արել Թուրքիային՝ համաձայնության գալու քրդերի հետ: Շեշտվել է այն հանգամանքը, որ քրդական հարցի կարգավորման գործընթացը դադարի փուլ է մտել, սակայն բանակցությունների վերսկսումը, ըստ ԵՄ-ի, անխուսափելի է: Նշվել է նաև, որ Թուրքիայում բավարար պայքար չի տարվում օրենքի խախտումների դեմ:
Հիշեցնենք, որ ԵՄ հանձնաժողովի՝ Թուրքիայի վերաբերյալ այս տարվա զեկույցի հրապարակումը հետաձգվել էր նոյեմբերի 1-ի Թուրքիայի խորհրդարանական ընտրությունների պատճառով: Հաշվետվությունը կհրապարակվի այսօր (2015թ. նոյեմբերի 10-ին): Մի շարք քաղաքական ուժեր հաշվետվության հրապարակման հետաձգման մասին ԵՄ-ի այս որոշումը քննադատել էին՝ համարելով այն Թուրքիայի համար արված զիջում՝ փախստականների ճգնաժամի լուծման գործընթացքում Թուրքիայի աջակցության դիմաց:
Այս ենթաբաժնի վերջին նորությունները
Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը:
Այդ մասին հայտնել է ՀՀ ԱԳՆ մամուլի խոսնակ Անի Բադալյանը։
Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ուղուրջան Բալ. «Չնայած Հայաստանը տարածքով փոքր է, բայց խոր արմատներ ունեցող իր պատմությամբ աշխարհի ամենահին քաղաքակրթություններից մեկն է»։
Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։
Ծնելիության բարձր ցուցանիշներ ունեն Իրաքը՝ 3.36 և Սիրիան՝ 2.59։
Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |