Տարածաշրջան08:54, 09 Նոյեմբեր 2015
Սորոսը Թուրքիային առաջարկել է Սիրիայի փախստականների հետ կապված իր ծրագիրը
Եռօրյա այցով Թուրքիայում գտնվող «Սորոս» հիմնադրամի նախագահ, միլիարդատեր, «գունավոր հեղափոխությունների» կերտող, «Բաց հասարակության ինստիտուտի» հիմնադիր Ջորջ Սորոսը հանդիպումներ է ունեցել թուրք պաշտոնյաների հետ, որոնցում քննարկել է սիրիացի փախստականների խնդիրը:
Ըստ թուրքական «Hurriyet» թերթի կայքի` Թուրքիայում սկսել են քննարկել Սորոսի` փախստականների խնդիր լուծմանը միտված «6 քայլ» անվանումով ծրագրային առաջարկը: Վերջինս, Թուրքիայում ունեցած ելույթի ժամանակ նշել է, որ պետք է ընկալել այս խնդրի լրջությունը` փախստականների հարցն անվանելով այնպիսի խնդիր, որը կարող է կազմալուծել Եվրամիությունը:
Սորոսը, ուշադրություն հրավիրելով այն հանգամանքի վրա, որ Թուրքիայում ապաստանած փախստականների թիվն արդեն մոտենում է 2.5 միլիոնին, նշել է, որ տարեկան 11մլրդ եվրոյի հասնող ծախսերը, որոնք այժմ կատարում է Թուրքիան, պետք է փախհատուցվի Եվրամիության (ԵՄ) կողմից:
Սորոսը նշել է, որ այս օրերին բազմաթիվ հանդիպումներ է ունենում ԵՄ երկրների ղեկավարների հետ և առաջարկում իր «6 քայլ» ծրագիրը, որը հավանության է արժանացել ՄԱԿ-ի կողմից: Ծրագիրը նախատեսում է սիրիացի փախստականների մնալը իրենց գտնվելու վայրում մինչև եվրոպական որևէ երկրից ընդունման հրավեր ստանան: Այս ծրագիրը նախատեսում է Թուրքիայից բացի փախստականների տեղակայման վայրեր հիմնել նաև Սիրիային սահմանակից Լիբանանում ու Հորդանանում, իսկ այնտեղից փախստականների տվյալներն ուղարկել Եվրոպա: Եվրոպական որևէ երկրից ընդունման հրավեր գալուց հետո փախստականին հնարավորություն տալ անվտանգ կերպով տեղափոխվել այդ երկիր:
«Այս խուճապը վատ է ազդում և՛ փախստականների, և՛ հասարակության, և՛ իրավասուների վրա: Պատուհասային իրավիճակ է, մինչդեռ այս ճգնաժամը դեռևս սթափ չի գնահատվում: Այն կարող է կազմաքանդել անգամ Եվրամիությունը: ԵՄ-ը հայտարարել է, որ տարվա ընթացքում կարող է մինչև 1 մլն փախստական ընդունել: Այս քայլերը կատարելով, մարդկանց կարելի է ապահով վայրերում սպասեցնել: ԵՄ-ն չգիտի, թե որտեղից է գտնելու այդ ծախսերի համար պահանջվող գումարները: Այժմ սպասում ենք, որ ՄԱԿ-ը հաստատի բարեգործական կոնֆերանս անցկացնելու մեր ծրագիրը»,- նշել է Սորոսը:
Այս ենթաբաժնի վերջին նորությունները
Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը:
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Երկրաշարժը տեղի է ունեցել առավոտյան ժամը 8։24-ի սահմաններում:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։
Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |