Մշակութային09:22, 05 Նոյեմբեր 2015
Արա Գյուլերի լուսանկարների համապարփակ ցուցադրությունը` «Ֆոտոստամբուլի» շրջանակներում
Ստամբուլում այս օրերին ընթանում է մինչ օրս այս քաղաքում կազմակերպված ամենալայնամասշտաբ լուսանկարչական միջոցառումը՝ Բեշիքթաշի երկրորդ միջազգային լուսանկարչական փառատոնը, որը նաև հայտնի է «Ֆոտոստամբուլ» անվամբ: Բեշիքթաշի թաղապետարանի պաշտոնական կայքի՝ «Besiktas.bel.tr»-ի համաձայն՝ փառատոնին մասնակցում են շուրջ 60 լուսանկարիչներ` ԱՄՆ-ից, Ասիայից , Եվրոպայից և Թուրքիայից:
Բեշիքթաշի թաղապետարանի կողմից կազմակերպված միջոցառումը մեկնարկել է հոկտեմբերի 9-ին և կավարտվի նոյեմբերի 8-ին: Փառատոնը կազմակերպվել է անմիջապես քաղաքի փողոցներում ու հրապարակներում՝ բաց երկնքի տակ, ինչպես նաև՝ Օրթաքյոյի մանկատանն ու մշակույթի կենտրոնում:
Ըստ աղբյուրի՝ «Ֆոտոստամբուլ 2» փառատոնի շրջանակներում նախատեսված են 48 ցուցահանդես, 15 կլոր սեղան և քննարկում, 80 լուսանկարչական ցուցադրություն և մի շարք այլ մշակութային միջոցառումներ:
«Ֆոտոստամբուլ»-ի հիմնական թեման այս տարի «Այլ կյանքեր»-ն է: Ցուցադրություններից մեկը ներկայացված է Բեշիքթաշի Բահչեշեհիր համալսարանի հարևան փողոցում՝ բացօթյա պայմաններում և հատուկ վագոններում:
«Հյուրիյեթ»-ի սյունակագիր Դողան Հըզլանի վկայությամբ՝ փողոցի անմիջապես մուտքի մոտ տեղադրված է պոլսահայ հայտնի լուսանկարիչ Արա Գյուլերի մի քանի մետր բարձրությամբ, փայտից կառուցված հսկայական պատկերը: Իսկ փողոցում ցուցադրված է Գյուլերի «Կորուսյալ Ստամբուլ» խորագրով լուսանկարների շարքը՝ Ստամբուլի համայնապատկերներով:
Բեշիքթաշի պաշտոնակայքի տեղեկացմամբ՝ «Հարգանք վարպետներին» նախաձեռնության շրջանակներում այս տարի փառատոնի ընթացքում հատկապես ուրույն տեղ է հատկացվել Արա Գյուլերին: Բացի այն, որ կազմակերպված համապարփակ ցուցահանդեսում կարելի է դիտել նաև Գյուլերի մինչ այս անհայտ, չցուցադրված աշխատանքները, Գյուլերի լուսանկարի վերաբերյալ նաև հատուկ ժողով -քննարկում է կազմակերպվել:
Բացի այս, ներկայացված են լուսանկարիչներ Սինան Քըլըչի, Սերքան Չոլաքի, Սըթքը Քյոսեմենի, Ժոզեֆ Կուդելկայի աշխատանքները՝ պատերազմների, դրանց թողած հետևանքների ու ազդեցությունների, ավերակների և նմանատիպ թեմաներով աշխատանքները: Բեշիքթաշյան այս ցուցադրության շրջանակներում արծարծվում են նաև կանանց իրավունքներին, նրանց հասարակական դիրքին առնչվող թեմաներ:
Ցուցահանդեսում տեղ է գտել նաև Դիանա Մարկոսյանի՝ հայ ծերունուն պատկերող լուսանկարը, որը ազգայնական թեմաներով նրա աշխատանքների խորհրդանիշն է:
Նշենք, որ «Ֆոտոստամբուլ 2»-ին մասնակցել են շուրջ քսան այլազգի ականավոր լուսանկարիչներ, որոնց թվում՝ Ժոզեֆ Կուդելկան, Անդերս Պետերսենը, Աթթա Քիմը, Ստենլի Գրինը:
Այս ենթաբաժնի վերջին նորությունները
Ուղուրջան Բալ. «Չնայած Հայաստանը տարածքով փոքր է, բայց խոր արմատներ ունեցող իր պատմությամբ աշխարհի ամենահին քաղաքակրթություններից մեկն է»։
Ստեղծագործության տեսահոլովակը նկարահանվել է Ստամբուլի Բեշիքթաշի Սուրբ Աստվածածին հայկական եկեղեցում:
Պատարագի մատուցման նախապատրաստական աշխատանքներն ընթացքի մեջ են։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։
Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |