PKK-ն չեղարկել է ընտրություններից առաջ հայտարարած զինադադարը

Տարածաշրջան13:22, 05 Նոյեմբեր 2015

PKK-ն չեղարկել է ընտրություններից առաջ հայտարարած զինադադարը

«Քուրդիստանի համայնքների միությունը» (KCK) հայտարարություն է տարածել, որով չեղարկել է նոյեմբերի 1-ին Թուրքիայում տեղի ունեցած խորհրդարանական ընտրություններին ընդհառաջ հայտարարած միակողմանի զինադադարը:

Ըստ BBC-ի թուրքական ծառայության` հայտարարության մեջ նշվում է, որ «Քուրդիստանի բանվորական կուսակցությունը» (ՔԲԿ-PKK) չի կարող երկարացնել գործողությունների դադարի շրջանը, քանի որ Թուրքիայի ԱԶԿ-ական (Արդարություն և զարգացում կուսակցություն) կառավարությունը ընտրություններից հետո էլ շարունակում է ռազմատենչ մարտավարությունը:

Հայտարարության մեջ ասվում է, որ նոր հաշտեցման գործընթաց (քրդերի հետ) սկսելու համար երկկողմանի կամք է հարկավոր և ուշադրություն հրավիրվում այն հանգամանքի վրա, որ ընտրություններից հետո էլ թուրքական կառավարությունը շարունակում է նույն տեմպերով ռազմական գործողություններ իրականացնել ՔԲԿ-ի դեմ:

«Նոր զինադադար կարող է հաստատվել միայն այն ժամանակ, երբ թուրքական պետությունում քրդական հարցը լուծելու կամք կցուցաբերվի և բանակցություններ կնախաձեռնվեն: Հակառակ դեպքում ո՛չ զինադադար կլինի, ո՛չ էլ քրդական հարցի լուծման արդյունք»,- ասված է հայտարարության մեջ:

Աղբյուր` Ermenihaber.am