Տնտեսական07:51, 23 Հոկտեմբեր 2015
Թուրքիայում էլեկտրաէներգիան կարող է 37 տոկոսով թանկանալ
Թուրքական «Sabancı Holding» ընկերության էներգետիկ խմբի ղեկավար Մեհմեթ Գյոչմենը գնահատել է Թուրքիայի էներգետիկայի ոլորտում առկա իրավիճակը, ներկայացրել ոլորտում հնարավոր զարգացումներն ու իրենց ծրագրերը:
Ըստ թուրքական «Hürriyet» պարբերականի կայքի՝ Գյոչմենն ընդգծել է, որ այս ոլորտում մեծ դեր ունի միջազգային շուկայում նավթի գնի անկումը, գնային ճնշումներն ու անորոշությունը: Նա նաև նշել է, որ էներգետիկայի ոլորտում խաչաձև սուբսիդիա է կիրառվում՝ ի օգուտ արդյունաբերության. արդյունաբերողները էլեկտարէներգիան սպառում են 17, իսկ բնակիչները՝ 31 ղուրուշ գնով:
Ըստ Գյոչմենի՝ եթե այդ սկզբունքը շարունակի գործել՝ համակարգը փլուզման եզրին կհայտնվի: Ավելին, դա կարող է հանգեցնել էլեկտրաէներգիայի սակագնի բարձրացման անհրաժեշտության, ինչի հետևանքով քաղաքացիները ստիպված կլինեն 37 տոկոսով ավելի թանկ վճարել սպառվող էլեկտրաէներգիայի դիմաց:
Գյոչմենը տեղեկացրել է, որ վերջին 10 տարվա ընթացքում Թուրքիայի էներգետիկայի ոլորտում 64 մլն ներդրում է կատարվել: Դրանից 10-11 մլն դոլարը, այսինքն գրեթե 40 տոկոսը, տրամադրվել է իրենց ընկերության սեփական միջոցներից: Ըստ Գյոչմենի՝ ներկայումս ապահովվող 2.500Մգվ հզորությունը կարող է առաջիկա տարվա ընթացքում հասցվել 3.700Մգվ–ի՝ 2016թ. ակնկալվող ներդրումների շնորհիվ: «Մեր նպատակն արդեն ոչ թե հզորացումն է, այլ արդյունավետությունն ու տեխնոլոգիաները», - եզրափակել է նա:
Այս ենթաբաժնի վերջին նորությունները
Թուրքիայի արտահանողների խորհրդի տվյալներով՝ Գերմանիա արտահանումը նախորդ տարվա համեմատ աճել է 9․4%-ով՝ հասնելով 13․1 մլրդ դոլարի:
Յաշար Գյուլերը նշել է, որ վճռական են զարգացնել համագործակցությունը ռազմարդյունաբերության ոլորտում
Դա Թուրքիայում հանրային լայն քննարկումների առիրթ է դարձել։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։
Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |