Թուրք քարոզիչ. «Հիմա թուրքական բանակը պատերազմում է հրեաների ու հայերի դեմ, գերմանացիների և հույների դեմ»

Տարածաշրջան07:17, 22 Հոկտեմբեր 2015

Թուրք քարոզիչ. «Հիմա թուրքական բանակը պատերազմում է հրեաների ու հայերի դեմ, գերմանացիների և հույների դեմ»

Թուրք իսլամագետ և քարոզիչ Ահմեթ Մահմուդ Ունլուն «Vahdet» թերթում հրապարակած իր հոդվածում մեղադրել է քրիստոնյա աշխարհին՝ ահաբեկչություն տարածելու մեջ: Ունլուն մասնավորապես գրել է. «Այս պահին թուրքական բանակը պատերազմում է հրեաների ու հայերի դեմ: Պատերազմում է նաև գերմանացիների և հույների դեմ: Այսինքն ողջ աշխարհի դեմ է պատերազմում: Ունլուն կարծիք է հայտնել, թե ահաբեկչություններն իրականում կազմակերպվում են «անհավատների» (ոչ մուսուլմանների) նյութական միջոցներով և իրագործվում հենց նրանց մարդկանց կողմից:

Քարոզիչը մահմեդականներին կոչ է արել միավորվել և պայքարել հանուն Ալլահի՝ ընդդեմ ոչ մուսուլմանների: Հակառակ դեպքում, ըստ նրա, եթե քրիստոնյաները հաղթանակ տանեն, ապա կմասնատեն Թուրքիան, կարգելեն ազանը, կարգելեն նամազը:

Միջանկյալ նշենք, որ «ազան»-ը իսլամում աղոթքի հրավերն է, իսկ «նամազ»-ը մահմեդականների ծիսական աղոթքն է:

Իսլամի քարոզիչը կրկնել է թուրքական կողմից հատկապես վերջերս դիտավորությամբ շրջանառվող այն վարկածը, թե «Քուրդիստանի բանվորական կուսակցության» (ՔԲԿ-PKK) անդամներն իրականում քուրդ չեն և անգամ ընդհանրապես մուսուլման չեն:

«PKK-ականներին սպանում են, հետո պարզվում է, որ անգլիացի է: Մյուսի մոտ խաչ են հայտնաբերում: Մեկ ուրիշը, պարզվում է, թլպատված չէ: Այդպես է լինում. քանի որ սրանք մուսուլման քրդեր չեն: Քրդերն ի՞նչ կապ ունեն: Այս ամենի հետևում անհավատների ծրագիրն է թաքնված»:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։