Տարածաշրջան13:55, 22 Հոկտեմբեր 2015
Չավուշօղլուն պնդել է, թե Թուրքիայի դեմ գործող ուժերը համագործակցում են հայկական լոբբիստական խմբերի հետ
Թուրքիայի արտաքին գործերի նախկին նախարար Մևլութ Չավուշօղլուն Անթալիայում այցելել է յուրյուքների (Թուրքիայի տարածքում բնակվող քոչվոր թյուրքական ցեղ) միություն: Չավուշօղլուն հանդիպման ժամանակ ասել է, որ ահաբեկչության կողմնակիցները, Գեզի զբոսայգու պահպանման համար պայքարողներին օժանդակողները և գյուլենականները (իսլամի քարզիչ, ամերկաբնակ թուրք միլիարդատեր Ֆեթուլլահ Գյուլենի հիմնած շարժման հետևորդները) ցանկանում են կասեցնել Թուրքիայի զարգացումը:
Ըստ Չավուշօղլուի՝ այդ ուժերը գործում են միասնաբար, իսկ երկրից դուրս համագործակցում են «հայկական լոբբիի» հետ: Չավուշօղլուի պնդմամբ՝ այդ ուժերը, համագործակցելով Թուրքիայի դեմ գործող լոբբիստական ուժերի հետ, փորձում են Թուրքիայի դեմ որոշումներ ընդունել տալ: «Իհարկե, որոշ չափավոր հայերի էլ ենք հանդիպել: Երբեմն հոգևորականներ, երբեմն էլ կազմակերպությունների ղեկավարներ գալիս են, զրուցում ենք»,-ասել է Չավուշօղլուն՝ պնդելով, թե վերջիններս, չնայած 1915 թվականին տեղի ունեցածին, ցանկանում են, որ 2 երկրները հաշտվեն:
«Նրանք հարցնում են, թե թուրքական միությունները, նկատի ունենալով զուգահեռ կառույցին (գյուլենականներ-խմբ.), ինչ են ուզում Թուրքիայից: «Մենք նրանց չափ ծայրահեղական չենք, մենք նրանց չափ չենք ատում Թուրքիան»,- ասում են հայերը: Պատկերացնում ե՞ք այս խոսքերը մեզ հայերն են ասում»,-հավելել է նախկին արտգործնախարարը:
Այս ենթաբաժնի վերջին նորությունները
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։
«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |