Տարածաշրջան07:36, 21 Հոկտեմբեր 2015
Հանդիպել են Կիպրոսի հայ ազգային խորհրդի և թուրքական կուսակցության ներկայացուցիչները
Կիպրոսի Հայ ազգային խորհրդի ներկայացուցիչները հանդիպել են Հյուսիսային Կիպրոսի թուրքական ինքնահռչակ հանրապետության «Միացյալ Կիպրոս կուսակցության» (ՄԿԿ-BKP) ղեկավարության հետ: Ըստ թուրքական «gundemkibris.com» լրատվական կայքի` հայկական պատվիրակությունը ղեկավարել է Հայ ազգային խորհրդի նախագահ, «Կիպրահայեր» էլեկտրոնային թերթի գլխավոր խմբագիր Սիմոն Այնեջյանը, իսկ թուրքական կողմից մասնակցել են ՄԿԿ նախագահ Իզզեթ Իզջանը և կուսակցության այլ ներկայացուցիչները:
Հանդիպմանը ՄԿԿ նախագահ Իզջանը նշելով, որ առաջին անգամ է հանդիպում Հայ ազգային խորհրդի ներկայացուցիչների հետ, ասել է, որ կարևորում է վերջիններիս ջանքերը Կիպրոսի թուրքերի հետ երկխոսություն սկսելու հարցում:
Իզջանը նախ շնորհակալություն է հայտնել Հայ ազգային խորհրդի ներկայացուցիչներին այցի համար, ապա հավելել, որ պատրաստակամ են հանուն Կիպրոսի ապագայի միասնաբար աշխատել հայ համայնքի ներկայացուցիչների հետ: Ըստ թուրքական կուսակցության նախագահի՝ ապագայում ստեղծվելիք «Դաշնային Կիպրոսի» ղեկավարման հարցում հայերը ևս պետք է իրենց դերն ունենան:
Սիմոն Այնեջյանն էլ նշել է, որ իրենց նախաձեռնած հանդիպումը տեղի է ունեցել Հայ ազգային խորհրդի` Կիպրոսի հունական և թուրքական քաղաքական կազմակերպությունների հետ սկսած հանդիպումների շրջանակներում:
Այս ենթաբաժնի վերջին նորությունները
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։
«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ermenihaber.am-ը զրուցել է Արցախի անկման մասին պատմող «Վիրավոր արծիվը» վավերագրության հեղինակ Դեմիր Սյոնմեզի հետ։
Երկրում գործազրկության թվերը վերադարձել են COVID-19-ի ճգնաժամի ժամանակաշրջանի մակարդակին։
Էրդողանի և Իտալիայի վարչապետի նախագահությամբ գումարված գագաթնաժողովից հետո ստորագրվել է 11 պայմանագիր:
Մասնագետների կարծիքով, ընթացիկ միտումների պահպանման դեպքում Թուրքիան 2025 թվականին կարող է դառնալ աշխարհի առաջատար զբոսաշրջային ուղղություններից մեկը:
Էրդողան-Միցոտակիս հանդիպումից առաջ նախատեսված է նաև Հունաստանի արտաքին գործերի նախարար Յորգոս Գերապետրիտիսի այցը Թուրքիա։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |